14 قاڭتاردا قاراعاندى وبلىسىنىڭ سارىشاعان ستانتسياسىنا جاقىنداعاندا كوكشەتاۋ – قىزىلوردا باعىتىنداعى جولاۋشىلار پويىزى ۆاگوندارىنىڭ بىرىندە استانا قالاسىنان شىمكەنت قالاسىنا دەيىن كۇيەۋىمەن بىرگە جولعا شىققان 54 جاستاعى ايەل كەنەتتەن قايتىس بولدى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
سول كۇنى شۋ ستانتسياسىنداعى جەلىلىك پوليتسيا بولىمىندە قىلمىستىق سيپاتتاعى ءولىم بەلگىلەرى جوق ءمايىتتىڭ تابىلعانى بويىنشا سوتقا دەيىنگى تەرگەۋ باستالدى.
تەكسەرۋ بارىسىندا ايەلدىڭ 2019 جىلدان باستاپ استانا قالاسى اۋرۋحانالارىنىڭ بىرىندە سوزىلمالى اۋرۋمەن ەسەپتە تۇرعانى انىقتالدى. پويىز جولسەرىكتەرىنىڭ كەلىسىمىمەن, كۇيەۋى ايەلىنىڭ ءمايىتىن ورالعان كۇيىندە پويىزدىڭ جۇمىس ىستەمەيتىن تامبۋرى ارقىلى شىمكەنت ستانتسياسىنا دەيىن تاسىمالداپ, جەتكىزگەن.
ەر ادام سوت-مەديتسينالىق ساراپتامادان ءۇزىلدى-كەسىلدى باس تارتتى. قازىرگى ۋاقىتتا پويىزدا ءمايىتتى تاسىمالداۋ فاكتىسى بويىنشا ماتەريال جامبىل وبلىسى بويىنشا كولىكتىك باقىلاۋ ينسپەكتسياسىنا بەرىلدى.