2014 جىلعى 11 ماۋسىمدا قاراعاندى وبلىستىق سوتىنىڭ قازاقستان رەسپۋبليكاسى ازاماتتىق كودەكسى 218-بابىنىڭ 6-تارماعىن كونستيتۋتسيالىق ەمەس دەپ تانۋ تۋرالى ۇسىنىمى بويىنشا كونستيتۋتسيالىق كەڭەستىڭ نورماتيۆتىك قاۋلىسى شىقتى.
بۇعان دەيىن حابارلاعانىمىزداي, قاراعاندى وبلىستىق سوتى قازاقستان رەسپۋبليكاسى ازاماتتىق كودەكسىنىڭ 218-بابى 6-تارماعىن كونستيتۋتسيالىق ەمەس دەپ تانۋ تۋرالى ۇسىنىممەن كونستيتۋتسيالىق كەڭەسكە جۇگىندى, ياعني ازاماتتىق كودەكستىڭ 218-بابى 6-تارماعىنىڭ ەرەجەلەرىنە سىلتەمە جاساي وتىرىپ, م ۇلىكتى ءماجبۇرلى تۇردە جاريا ساۋداعا سالىپ ساتۋ تۋرالى ماسەلە قويعان, بۇل تارماققا سايكەس وسى باپتىڭ 3-5-تارماقتارىندا باياندالعان ەرەجەلەر بويىنشا ورتاق مۇلiكتi ءبولۋ iسiن جۇرگiزۋدiڭ نە ودان ۇلەستi ءبولiپ شىعارۋدىڭ تيiمسiزدiگi ايقىن بولعان جاعدايدا سوت مۇلiكتi جاريا ساۋداعا سالىپ ساتىپ, كەيiن ودان تۇسكەن سومانى ورتاق مەنشiككە قاتىسۋشىلار اراسىندا ولاردىڭ ۇلەستەرiنە سايكەس ءبولiپ بەرۋ تۋرالى شەشiم شىعارۋعا قۇقىلى.
كونستيتۋتسيالىق كەڭەس ۇسىنىمدى جان-جاقتى قاراپ, مەملەكەتتىك ورگاندار وكىلدەرىنىڭ كەڭەس وتىرىسىندا سويلەگەن سوزدەرىن تىڭداپ, وي-تۇجىرىمدارىن, ساراپشىلاردىڭ قورىتىندىلارىن, سونىمەن قاتار, وزگە دە كونستيتۋتسيالىق ءىس جۇرگىزۋدىڭ ماتەريالدارىن زەردەلەپ, كەلەسى قورىتىندىلارعا كەلدى.
1. 1994 جىلعى 27 جەلتوقسانداعى №268-ءحىىى قازاقستان رەسپۋبليكاسى ازاماتتىق كودەكسىنىڭ (جالپى ءبولىم) 218-بابىنىڭ 6-تارماعى قازاقستان رەسپۋبليكاسىنىڭ كونستيتۋتسياسىنا سايكەس دەپ تانىلسىن.
2. قازاقستان رەسپۋبليكاسىنىڭ ۇكىمەتىنە, 1994 جىلعى 27 جەلتوقسانداعى №268-ءحىىى قازاقستان رەسپۋبليكاسىنىڭ ازاماتتىق كودەكسىن (جالپى ءبولىم) قازاقستان رەسپۋبليكاسى كونستيتۋتسيالىق كەڭەسىنىڭ وسى نورماتيۆتىك قاۋلىدا باياندالعان قۇقىقتىق ۇستانىمدارىنا سايكەستەندىرۋ ماقساتىندا وعان وزگەرىستەر مەن تولىقتىرۋلار ەنگىزۋگە باستاما جاساۋ ماسەلەسىن قاراۋ ۇسىنىلسىن.
3. قازاقستان رەسپۋبليكاسىنىڭ جوعارعى سوتىنا, قازاقستان رەسپۋبليكاسى كونستيتۋتسياسىنىڭ 81-بابى نەگىزىندە ءبىرىڭعاي سوت پراكتيكاسىن قامتاماسىز ەتۋ ماقساتىندا,1994 جىلعى 27 جەلتوقسانداعى №268-ءحىىى قازاقستان رەسپۋبليكاسى ازاماتتىق كودەكسىنىڭ (جالپى ءبولىم) 218-بابىنىڭ نورمالارىن جانە سولارمەن بايلانىستى زاڭنامالىق ەرەجەلەردى قازاقستان رەسپۋبليكاسى كونستيتۋتسيالىق كەڭەسىنىڭ وسى نورماتيۆتىك قاۋلىسىندا بەلگىلەنگەن كونستيتۋتسيالىق-قۇقىقتىق ماعىناسىندا قولدانۋ ماسەلەلەرىن تۇسىندىرەتىن نورماتيۆتىك قاۋلى قابىلداۋ ۇسىنىلسىن.
4. قازاقستان رەسپۋبليكاسى كونستيتۋتسياسىنىڭ 74-بابىنىڭ 3-تارماعىنا سايكەس قاۋلى ونى قابىلداعان كۇننەن باستاپ كۇشىنە ەنەدى, شاعىمدانۋعا جاتپايدى, رەسپۋبليكانىڭ بۇكىل اۋماعىندا جالپىعا بىردەي مىندەتتى جانە قازاقستان رەسپۋبليكاسى كونستيتۋتسياسىنىڭ 73-بابىنىڭ 4-تارماعىندا كوزدەلگەن رەتتى ەسكەرە وتىرىپ, تۇپكىلىكتى بولىپ تابىلادى.