ءسامميتتىڭ ماقساتى – جاھاندىق قوعامداستىقتى بىرىكتىرەتىن جانە ءتۇرلى ماسەلەلەردە, جاڭاشىل سەرىكتەستىك قاتىناستار مەن يننوۆاتسيالىق شەشىمدەردە كەلىسىمگە قول جەتكىزۋ ءۇشىن كونسترۋكتيۆتى ديالوگقا جول اشاتىن ورنىقتى دامۋ سالاسىنىڭ كۇن ءتارتىبىن قالىپتاستىرۋ جانە كليماتتىڭ وزگەرۋ ماسەلەلەرى جونىندەگى بۇۇ 28-كونفەرەنتسياسىنا (COP28) تىڭ سەرپىن بەرۋ.
سونىمەن قاتار جيىنعا بىرىككەن اراب امىرلىكتەرىنىڭ پرەزيدەنتى شەيح مۇحاممەد بەن زايد ءال ناحايان, وڭتۇستىك كورەيا پرەزيدەنتى يۋن سوك يول, ازەربايجان پرەزيدەنتى يلحام اليەۆ, انگولا پرەزيدەنتى جۋان لورەنسۋ, مىسىر سىرتقى ىستەر ءمينيسترى, كليماتتىڭ وزگەرۋى جونىندەگى بۇۇ «COP27» كونفەرەنتسياسى سەسسياسىنىڭ 27-پرەزيدەنتى ساميح شۋكري, سونداي-اق ساياساتكەرلەر, جاڭارتىلاتىن ەنەرگيا, تەحنولوگيالىق دامۋ جانە يننوۆاتسيا سالالارىنىڭ جەتەكشىلەرى, ينۆەستورلار مەن كاسىپكەرلەر قاتىستى.