2022 جىلدىڭ جەلتوقسان ايىنىڭ قورىتىندىسى بويىنشا قازاقستانداعى اۋە جولاۋشىلار تاسىمالى قىزمەتىنىڭ قۇنى ءبىر جىلدا 16,8%-عا ءوستى, دەپ حابارلايدى Egemen.kz.
Energyprom.kz مالىمەتىنشە, باعانىڭ قىمباتتاۋى ەڭ الدىمەن باتىس قازاقستان وبلىسىندا بايقالدى (67%). تاعى ەكى وبلىستا باعانىڭ ءوسۋى تىركەلدى. ول اباي وبلىسى (جىلىنا پليۋس 57,3%) جانە قوستاناي وبلىسى (پليۋس 43,2%).
تەك ۇلىتاۋ (20,8%) جانە الماتى وبلىستارىندا (3,9%) عانا باعانىڭ تومەندەۋى بايقالادى.
«2022 جىلدىڭ قاڭتار-جەلتوقسان ايلارىندا اۆياكومپانيالار 11 ميلليون جولاۋشىنى تاسىمالدادى, بۇل ءبىر جىل بۇرىنعى كورسەتكىشتەن 16,5 پايىزعا كوپ. ەڭ جوعارى كورسەتكىش الماتىدا تىركەلدى - 7,4 ميلليون ادام», دەلىنگەن حابارلامادا.
سونىمەن قاتار ساراپشىلاردىڭ مالىمەتىنشە, 2022 جىلى اپتاسىنا 477 رەيس جيىلىگىمەن 108 باعىت بويىنشا 30 ەلگە حالىقارالىق رەيستەر قالپىنا كەلتىرىلدى.
6 قاڭتاردا قازاقستاندا «اشىق اسپان» رەجيمى بەس جىلعا, ياعني 2027 جىلعا دەيىن ۇزارتىلعانى بەلگىلى بولدى. بۇل رەيستەر گەوگرافياسىن كەڭەيتىپ, حالىقارالىق رەيستەردىڭ سانىن كوبەيتەدى.