الماتىلىقتاردىڭ نازارى بوتانيكالىق باقتاعى ونەر تۋىندىلارىنا اۋدى. حالىقارالىق ءبىلىم كورپوراتسياسىندا ساۋلەتشى, ديزاينەر, كوركەمونەر ماماندىعىندا وقيتىن ستۋدەنتتەر تابيعي ماتەريالداردان ەرەكشە تۋىندىلار جاساپ, قالا تۇرعىندارىنا تارتۋ ەتتى.
بوتانيكالىق باقتى تازالاۋ بارىسىندا بۇتاق, قۋراعان ءشوپ, اعاش ءدىڭىن كادەگە اسىرعان ستۋدەنتتەردىڭ قولىنان شىققان ونەر تۋىندىلارىنىڭ قاتارىندا جاندىكتەرگە ارنالعان ۇيشىكتەر دە بار. قىس مەزگىلىندە مۇنداي ۇيشىكتەر يەسىز تۇرعانىمەن, كوكتەم شىعا جاندىكتەر ۇيالاي باستايدى. اپپاق قار ۇستىندە بوي كوتەرگەن ەرەكشە دۇنيەلەر ستۋدەنتتەردىڭ تابيعاتقا, قورشاعان ورتاعا دەگەن سۇيىسپەنشىلىگىنەن تۋىنداسا كەرەك. Inalmaty دەرەگى بويىنشا, بوتانيكالىق باق ماماندارى بۇل يگى ءىستىڭ الداعى ۋاقىتتا جالعاسىن تاپقانىن قالايدى. باقتا ءتۇرلى پىشىندەگى كومپوزيتسيالار ءۇشىن ماتەريالدار جەتكىلىكتى. سوندىقتان دا ماماندار قالامىزعا ەرەكشە كورىك بەرەتىن جوبالاردى قولداۋعا دايىن.
بوتانيكالىق باققا كەلۋشىلەر ونەر تۋىندىلارىنىڭ جانىندا سۋرەتكە ءتۇسىپ, قىسقى باقتىڭ ەرەكشەلىگىنە تامسانۋدا.
الماتى