استانا. 11 ماۋسىم. ەۋرازيالىق ەكونوميكالىق وداق ەۋروپا نارىعىنا شىعۋعا مۇمكىندىك بەرەدى. پارلامەنتى ءماجىلىسىنىڭ دەپۋتاتى جامبىل احمەتبەكوۆ ورتالىق كوممۋنيكاتسيالار قىزمەتىندە وتكەن بريفينگتە وسىلاي دەدى. بۇل تۋرالى Today.kz حابارلادى.
ج.احمەتبەكوۆ: «بىزگە ەۋرازيالىق ەكونوميكالىق وداق ارقىلى ونىمدەرىمىزدى ۇلكەن نارىققا, ياعني, 170 ملن.-نان استام حالىق جاسايتىن نارىققا الىپ شىعۋعا مۇمكىندىك تۋىپ تۇر. دۇنيەجۇزىلىك ساۋدا ۇيىمىنا كىرەردە وسى نارىقتى يگەرسەك, ءبىزدىڭ تاۋار وندىرۋشىلەرگە الەمدىك نارىقتا جەڭىلدىكتەر بولادى. كەدەندىك وداق, ەكونوميكالىق وداق دەگەن سوزدەردەن قورقۋدىڭ قاجەتى جوق.
ەۋرازيالىق ەكونوميكالىق وداق قۇرۋ بارىسىندا ءبىز تاۋەلسىزدىگىمىزدى جوعالتامىز دەگەن قورقىنىشتار نەگىزسىز. ەلىمىز تاۋەلسىز مەملەكەت بولىپ قالىپتاستى جانە سولاي بولىپ قالا بەرەدى», – دەدى.
جولدىباي بازار.
دەرەككوز: Today.kz.
فوتو: strategy2050.kz.