استانا. 11 ماۋسىم. پرەزيدەنت اكىمشىلىگىنىڭ كەلىسىمىمەن سولتۇستىك قازاقستان وبلىسىنىڭ اكىمى ەرىك سۇلتانوۆ مامليۋت اۋدانىنىڭ بۇرىنعى باسشىسى ۆلاديمير بۋبەنكونى ءوزىنىڭ ورىنباسارى ەتىپ بەكىتتى. بۇل تۋرالى «قازاقپارات» حابارلادى.
ەندى ۆلاديمير بۋبەنكو اتالعان ءوڭىردىڭ قۇرىلىس, كولىك جانە اۆتوكولىك جولدارى سالالارىن قاداعالايدى.
ول وبلىسقا قاراستى بۋلاەۆ جانە سوكولوۆ اۋداندارىندا ءتۇرلى قىزمەتتەردى اتقارعان. سونداي-اق, قىزىلجار, ەسىل, ماعجان جۇماباەۆ اۋداندارىندا اكىمنىڭ ورىنباسارى, اكىم بولدى. ال وسى تاعايىنداۋعا دەيىن مامليۋت اۋدانىن باسقارىپ كەلدى.
بۇعان دەيىن سولتۇستىك قازاقستان وبلىسى اكىمىنىڭ ورىنباسارى قىزمەتىن ۆلاديمير بالاحونتسەۆ اتقارعان. الايدا, ونىڭ ۇستىنەن مەملەكەتىك ساتىپ الۋ كونكۋرستارىن جۇرگىزۋ كەزىندە قىزمەتتىك وكىلەتتىگىن اسىرا پايدالاندى دەگەن ايىپتاۋ بويىنشا ءىس قوزعالىپ, سونىڭ سالدارىنان قىزمەتىنەن شەتتەتىلگەن بولاتىن.
جولدىباي بازار.
دەرەككوز: «قازاقپارات».
فوتو: maps.resurs.kz.