استانا. 11 ماۋسىم. قاراعاندى وبلىسىنىڭ شارۋالارى جىل سوڭىنا دەيىن رەسەي نارىعىنا 400 تونناعا جۋىق سيىر ەتىن ەكسپورتتاۋدى كوزدەۋدە. بۇل تۋرالى «قازاقپارات» حابارلادى.
قاراعاندى وبلىسىنان رەسەيدىڭ شەكارالاس وڭىرلەرى مەن ماسكەۋگە مۇزداتىلعان سيىر ەتىن جەتكىزۋ تۋرالى ارنايى كەلىسىم بار. وسى كەلىسىم بويىنشا ەت ءونىمىن ەكسپورتتاۋعا ءوڭىردىڭ شارۋالارى دايىن كورىنەدى. ەت ەكسپورتتاۋ كۇزدە باستالادى دەپ كۇتىلۋدە.
وبلىس اكىمدىگى اگرارلىق-ونەركاسىپتىك كەشەن ءبولىمىنىڭ مالىمەتىنە قاراعاندا, وڭىردە «سىباعا» باعدارلاماسى بويىنشا مال شارۋاشىلىعى ماماندارى سوڭعى ءۇش جىلدا 20 مىڭ باس ءىرى قارا مال ساتىپ العان. وبلىس بۇل باعدارلامانى ىسكە اسىرۋدا كوش باستاپ تۇر.
حابارلامادا كورسەتىلگەندەي, قاراعاندى وبلىسى تاۋارلىق ەت ءوندىرىسى ءۇشىن سەلەكتسيالىق-اسىل تۇقىمدى مال ءوسىرۋ جاعىنان ەل بويىنشا ەڭ جوعارى كورسەتكىشكە يە. انالىق مالدىڭ تۇقىمىمەن بۋدانداستىرۋ ۇلەسى 25,6 پايىزدى, ال رەسپۋبليكالىق ورتاشا دەڭگەي 16 پايىزدى قۇراپ وتىر.
جولدىباي بازار.
دەرەككوز: «قازاقپارات».
فوتو: diapazon.kz.