اقتاۋدا الەۋمەتتىك جانە مەديتسينالىق ساقتاندىرۋ قورى فيليالىنىڭ باسشىسى رۋسلان بەكتىباەۆ قارجىلىق الاياقتىق جاساعانى ءۇشىن قاماۋعا الىندى. بۇل تۋرالى ماڭعىستاۋ وبلىسىنىڭ پروكۋرورى رۋفات قۇتتۇقوۆ ايتتى, دەپ حابارلايدى Egemen.kz.
مەديتسينالىق ساقتاندىرۋ قورى قالالىق فيليالىنىڭ باسشىسى رۋسلان بەكتىباەۆ 17,5 ميلليون تەڭگەنى جىمقىردى دەگەن كۇدىككە ءىلىندى. ونىمەن بىرگە مەديتسينالىق فيرمالاردىڭ ءبىرىنىڭ باسشىسى دا ىسكە تارتىلدى. كاسىپورىن تەگىن مەديتسينالىق كومەك كورسەتۋ اياسىندا مەديتسينالىق قىزمەتتەردى ساتىپ الۋعا كەلىسىمشارت جاساستى. دەنساۋلىق ساقتاۋ مينيسترلىگىنىڭ دەرەكقورىنا ەمدەلدى نەمەسە دارىگەردىڭ كەڭەسىن الدى دەگەن ادامدار تۋرالى جالعان دەرەكتەر بەرگەن.
«ولار ازاماتتارعا تەگىن مەديتسينالىق كومەك كورسەتكەن-ءدى. بىراق ءىس جۇزىندە بۇل قىزمەتتەر كورسەتىلمەگەن. قازىرگى تاڭدا كۇدىكتى ۋاقىتشا ۇستاۋ يزولياتورىنا قامالدى. تەرگەۋ جالعاسىپ جاتىر», دەدى ماڭعىستاۋ وبلىسىنىڭ پروكۋرورى.
ۇستالعان رۋسلان بەكتىباەۆ ەكى ايدان بەرى تەرگەۋ يزولياتورىندا وتىر. ونىڭ سىبايلاسى ۇيقاماق تۇرىندەگى شارا قولداندى. فيليالدىڭ بۇرىنعى ديرەكتورىنىڭ مۇلكى تاركىلەنىپ, 7 جىلدان 12 جىلعا دەيىن باس بوستاندىعىنان ايىرىلۋى مۇمكىن.