الماتىدا قاتتى ايازعا بايلانىستى تجد ماماندارى تۇرعىنداردى قالا سىرتىنا شىقپاۋعا جانە جىلى كيىنۋگە شاقىردى, دەپ حابارلايدى Egemen.kz.
«سينوپتيكتەردىڭ بولجامىنا سايكەس, 12-16 قاڭتار ارالىعىندا قالادا اۋا تەمپەراتۋراسى -25 گرادۋسقا دەيىن تومەندەيدى. بۇل الماتى قالاسى ءۇشىن قاۋىپتى مەتەورولوگيالىق قۇبىلىستى بىلدىرەدى. وسىعان بايلانىستى الماتى قالاسىنىڭ توتەنشە جاعدايلار دەپارتامەنتى تۇرعىنداردان قىسقى كەزەڭدە ساقتىق شارالارىن ۇستانۋدى سۇرايدى. كوشەگە ۇزاق سەرۋەندەمەڭىز, قاجەتسىز قالادان تىس جەرلەرگە بارماڭىز, كوشەگە شىققاندا جىلى كيىنىڭىز», دەلىنگەن حابارلامادا.
اتالعان ۆەدومستۆو مەملەكەتتىك ورگاندار مەن ۇيىمدارعا حالىقتىڭ تىنىس-تىرشىلىگىن قامتاماسىز ەتۋ وبەكتىلەرىنە باقىلاۋدى كۇشەيتۋ بويىنشا قوسىمشا شارالار قابىلداۋ تۋرالى اقپاراتتىق حابارلامالار جىبەردى.