وتكەن جىلى قازاقستاننىڭ سىرتقى تاۋار اينالىمى 34,1%-عا ءوسىپ, 110,6 ملرد اقش دوللارىنا جەتتى. بۇل تۋرالى ساۋدا جانە ينتەگراتسيا ءمينيسترى سەرىك جۇمانعارين ۆەدومستۆو القاسىنىڭ كەڭەيتىلگەن وتىرىسىندا مالىمدەدى, دەپ حابارلايدى Egemen.kz.
«2022 جىلدىڭ 10 ايىنىڭ قورىتىندىسى بويىنشا قازاقستاننىڭ سىرتقى تاۋار اينالىمى وتكەن جىلدىڭ سايكەس كەزەڭىمەن سالىستىرعاندا 34,1%-عا ۇلعايىپ, 110,6 ملرد دوللاردى قۇرادى», دەدى سەرىك جۇمانعارين.
مينيستر ەۋرازيالىق ەكونوميكالىق وداق اياسىنداعى تاۋار اينالىمى 23 ملرد اقش دوللارىن قۇراعانىن حابارلادى.
«بۇل 2021 جىلدىڭ سايكەس كەزەڭىمەن سالىستىرعاندا 7,5%-عا كوپ. سونداي-اق كەدەندىك اكەلۋ باجدارىنىڭ سوماسىن بولمەۋ مۇمكىندىگى ماقۇلداندى. ونىڭ ارقاسىندا ۇنەمدەۋ بولجامى 100 ميلليون دوللاردان استى, ەكسپورتتىق ءوسۋ بولجامى - 500 ملن دوللار. ءبىر جىل ىشىندە سەرىكتەس ەلدەرمەن 6 جوبا ىسكە اسىرىلدى», دەپ تولىقتىردى سەرىك جۇمانعارين.