كەشە پرەمەر-ءمينيستردىڭ ورىنباسارى گۇلشارا ءابدىقالىقوۆا باستاعان ۇكىمەت مۇشەلەرى ورتالىق كوممۋنيكاتسيالار قىزمەتىندە بريفينگ وتكىزدى. وندا ۇكىمەت وتىرىسىندا قارالعان ماسەلەلەر ءسوز بولدى.
ۇكiمەت وتىرىسىندا تiلدەردi دامىتۋ مەن قولدانۋ جونىندەگى 2011-2020 جىلدارعا ارنالعان مەملەكەتتiك باعدارلامانىڭ ورىندالۋ بارىسى مەن بىرقاتار الەۋمەتتىك ماسەلەلەر تالقىلاندى, دەدى پرەمەر-ءمينيستردىڭ ورىنباسارى. «قازiرگi ۋاقىتتا ساراپشىلار ايتىپ وتىرعانداي, قازاقستان حالقىنىڭ 62-63 پايىزى قازاق, 92 پايىزى ورىس, ال 16,6 پايىزى اعىلشىن تiلiن مەڭگەرگەن. ەلباسىنىڭ جۇرگىزىپ وتىرعان ساياساتى – ەلiمiزدە ءۇش تۇعىرلى تiلدi دامىتۋ. وسىعان بايلانىستى, بۇگiن ۇكiمەت وتىرىسىندا باعدارلامانىڭ ورىندالۋ بارىسى تالقىلاندى», دەدi گ.ابدiقالىقوۆا.
بريفينگكە قاتىسقان مادەنيەت مينيسترi ارىستانبەك مۇحامەدي ۇلى باعدارلاما اياسىندا جاسالعان جۇمىستاردىڭ ناقتى كورسەتكiشتەرi تۋرالى اڭگىمەلەدى. «ەسەپتi كەزەڭدە مەملەكەتتiك تiلدi دامىتۋ مەن قولدانۋعا باعىتتالعان بiرقاتار جۇمىس اتقارىلدى. اتاپ ايتقاندا, قازتەست جۇيەسiن جەتiلدiرۋ بويىنشا مەملەكەتتiك تiلدi وقىتۋعا ارنالعان 5 دەڭگەيدەن تۇراتىن وقۋ-ادiستەمەلiك كەشەنى ازiرلەندi. ولار ەلiمiزدiڭ بارلىق تiلدەردi وقىتۋ ورتالىقتارىنا تاراتىلدى. ەندiگi كەزەكتە مەملەكەتتiك قىزمەتشiلەرگە قازاق تiلiن مەڭگەرۋدi مiندەتتەگەن دۇرىس. مۇنى 2015 جىلدان باستاپ ورتالىق جانە جەرگiلiكتi اتقارۋشى ورگانداردىڭ ستراتەگيالىق جوسپارلارىنا ساتىلى تۇردە قازتەست جۇيەسiن ەنگiزۋ ارقىلى شەشەمiز», دەپ نىعىزدادى مينيستر.
دەنساۋلىق ساقتاۋ ءمينيسترى ساليدات قايىربەكوۆا شەتەلگە قاراعاندا قازاقستاندا ەمدەلۋ 2 ەسە ارزان ەكەنىن ايتتى. «سالادا جوعارى تەحنولوگيالاردى ەنگىزۋدىڭ ارقاسىندا ازاماتتارىمىزدى شەتەلگە ەمدەلۋگە از جىبەرە باستادىق. ايتالىق, بۇيرەك الماستىرۋ شەتەلدە 4,5 ملن. تەڭگە تۇرسا, قازاقستاندا مۇنداي وپەراتسيانى ءوزىمىزدىڭ كلينيكالاردا جاساپ, وعان 2,1 ملن. تەڭگە تولەيمىز. ياعني, ەشقايدا بارۋدىڭ قاجەتى جوق. ءبىر ادامدى شەتەلگە جىبەرىپ ەمدەتكەننەن گورى, سول قارجىعا قازاقستاندا بىرنەشە ادامدى ەمدەۋگە بولادى», دەدى مينيستر. مۇنىمەن قاتار, ۆەدومستۆو جۇمىسىنا جاڭا ادىستەر ەنگىزىلىپ, ناتيجەسىندە اعىمداعى جىلى بيۋدجەت قاراجاتى ايتارلىقتاي ۇنەمدەلىپتى. بۇرىندارى سالادا كوپ قارجى ستاتسيونارلارعا, قىمبات ەمدەۋ شارالارىنا جۇمسالادى ەكەن. بۇگىندەرى ستاتسيونارلاردىڭ اقشا پايدالانۋ دەڭگەيىن تومەندەتە العان مينيسترلىك كۇندىزگى ستاتسيونارلار قىزمەتىن كەڭەيتۋدىڭ ارقاسىندا 76 ملرد. تەڭگە ۇنەمدەپتى.
بريفينگتە ءبىلىم جانە عىلىم مينيسترلىگىنىڭ جاستار ءىسى جونىندەگى كوميتەتىنىڭ ءتورايىمى ر.كارىپجانوۆا جاستار ساياساتىن جۇزەگە اسىرۋدىڭ بارىسى تۋرالى, وڭىرلىك دامۋ ءمينيسترى ب.جامىشەۆ وڭىرلەردى دامىتۋدىڭ بىرىڭعاي باعدارلاماسى جونىندە, سىرتقى ىستەر ءمينيسترىنىڭ ورىنباسارى ا.ۆولكوۆ وڭتۇستىك كورەيا پرەزيدەنتىنىڭ مەملەكەتتىك ساپارىنا دايىندىقتىڭ بارىسى تۋرالى, يندۋستريا جانە جاڭا تەحنولوگيالار ۆيتسە-ءمينيسترى ا.راۋ ەنەرگيا ۇنەمدەۋدى دامىتۋ جانە ەنەرگيا ءتيىمدىلىگىن ارتتىرۋ مەن شيكىزاتتىق ەمەس ەكسپورتتى دامىتۋ جانە ىلگەرىلەتۋ ماسەلەلەرى تاقىرىبىندا, قارجى ۆيتسە-ءمينيسترى ا.تەڭگەباەۆ قىلمىستىق جولمەن الىنعان تابىستى تازارتۋعا جانە تەرروريزمدى قارجىلاندىرۋعا قارسى تۇرۋدىڭ حالىقارالىق ستاندارتتارىنا سايكەستىكتى قامتاماسىز ەتۋ جونىندە قابىلدانعان جانە قوسىمشا شارالار تۋرالى اڭگىمەلەپ, جۋرناليستەردىڭ قويعان سۇراقتارىنا جاۋاپ بەردى.
نۇرباي ەلمۇراتوۆ,
«ەگەمەن قازاقستان».