قوستاناي قالاسىنداعى تاۋەلسىزدىك كوشەسىندە سۋ قۇبىرى جەلىلەرىندەگى قۇدىقتان اقاۋ شىقتى. اپات ورنىنا ماماندار جىبەرىلدى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
قوستاناي جىلۋ ەنەرگەتيكالىق كومپانياسىنىڭ ءباسپاسوز قىزمەتى اتاپ وتكەندەي, اپاتقا سۋ قۇبىرى جەلىلەرىنىڭ توزۋى سەبەپ بولعان.
«10 قاڭتاردا ساعات 11:00-دە «قتەك» مكك ديسپەتچەرىنە قۇدىقتان سۋ اعىپ جاتقانى تۋرالى حابار كەلىپ ءتۇستى. ارنايى بريگادا اپات ورنىنا ساعات 12:00-دە جەتكەن», دەپ حابارلادى كوممۋنالدىق كاسىپورىن.
اپات سالدارىنان تاۋەلسىزدىك جانە قوزىباەۆ كوشەلەرىندەگى ۇيلەر سۋسىز قالدى.
اپاتتى جويۋ جۇمىستارى كۇنى بويى جۇرگىزىلەدى. قتەك سۋىق سۋسىز قالعان ۇيلەردىڭ تۇرعىندارىنا سۋ تاسىمالداۋعا ۋادە بەردى.