ەلىمىزدىڭ كونستيتۋتسيالىق كەڭەسى قاراۋىنا قاراعاندى وبلىستىق سوتىنىڭ ازاماتتىق كودەكستىڭ 218-بابىنىڭ 6-تارماعىن كونستيتۋتسيالىق ەمەس دەپ تانۋ تۋرالى ۇسىنىمى تۇسكەن بولاتىن. الدىن الا زەرتتەۋلەر كورسەتكەندەي, ۇسىنىم ءتيىستى سۋبەكتىدەن جولدانۋىنا سايكەس, وندا كورسەتىلگەن ماسەلەلەر كونستيتۋتسيالىق كەڭەستىڭ قاراۋ قۇزىرىنا جاتاتىن بولىپ تابىلعان. وسىعان وراي اتالعان ۇسىنىم كونستيتۋتسيالىق ءىس جۇرگىزۋگە قابىلدانعان ەدى. مىنە, ەندى كەشە وسى ماسەلەگە ساي كونستيتۋتسيالىق كەڭەستە قاراعاندى وبلىستىق سوتىنىڭ 1994 جىلعى 27 جەلتوقسانداعى №268-XIII قازاقستان رەسپۋبليكاسى ازاماتتىق كودەكسىنىڭ (جالپى ءبولىم) 218-بابىنىڭ 6-تارماعىن كونستيتۋتسيالىق ەمەس دەپ تانۋ تۋرالى ۇسىنىمىن قاراۋ بويىنشا وتىرىسى ءوتتى.
قاراعاندى وبلىستىق سوتىنىڭ وكىلى ازاماتتىق كودەكستىڭ 218-بابىنىڭ 6-تارماعىنىڭ ەرەجەلەرىنە سىلتەمە جاساعان, وندا م ۇلىكتى ءماجبۇرلى جارياعا سالىپ ساتۋ تۋرالى ماسەلە قويىلعان. سوندىقتان دا ازاماتتىق كودەكستىڭ 218-بابىنىڭ 6-تارماعىن كونستيتۋتسيالىق ەمەس دەپ تانۋ تۋرالى ۇسىنىم بەرگەن. ويتكەنى, اتالعان 6-تارماققا سايكەس وسى باپتىڭ 3-5-تارماقتارىندا باياندالعان ەرەجەلەر بويىنشا ورتاق م ۇلىكتى ءبولۋ ءىسىن جۇرگىزۋدىڭ, نە ودان ۇلەستى ءبولىپ شىعارۋدىڭ تيىمسىزدىگى ايقىن بولعان جاعدايدا سوت م ۇلىكتى جاريا ساۋداعا سالىپ ساتىپ, كەيىن ودان تۇسكەن سومانى ورتاق مەنشىككە قاتىسۋشىلار اراسىندا ولاردىڭ ۇلەستەرىنە سايكەس ءبولىپ بەرۋ تۋرالى شەشىم شىعارۋعا قۇقىلى كورىنەدى.
الايدا, سوت ازاماتتىق كودەكس ارقىلى مۇنداي قۇقىق بەرۋ ەلىمىزدىڭ كونستيتۋتسياسى 26-بابىنىڭ 2-تارماعىنا جانە 39-بابىنىڭ 1-تارماعىنا قايشى كەلەتىندىگىن, ءسويتىپ, اقىر سوڭىندا اتالعان كونستيتۋتسيادا باياندى ەتىلگەن ادامنىڭ جانە ازاماتتىڭ قۇقىقتارىنا نۇقسان كەلەتىنىن بايقاپتى. بۇل, ارينە, كەلەڭسىز جاعداي. ويتكەنى, قاي كەزدە دە ەڭ الدىمەن ادامنىڭ قۇقى بۇزىلماۋىن قاراۋ قاجەت. وسىلايشا, تابىلعان بۇل قاراما-قايشىلىقتار ورتالىق مەملەكەتتىك ورگانداردىڭ وكىلدەرى قاتىسقان اشىق وتىرىستا تالقىعا سالىندى. وعان جوعارىدا ءوتىنىش بەرگەن سۋبەكتىنىڭ وكىلى – قاراعاندى وبلىستىق سوتىنىڭ ازاماتتىق جانە اكىمشىلىك ىستەر جونىندەگى اپەللياتسيالىق سوت القاسىنىڭ توراعاسى ج.سەيدالينا, پارلامەنت سەناتىنىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى س.اقىلباي, پارلامەنت ءماجىلىسىنىڭ دەپۋتاتى ر.سارپەكوۆ, ادىلەت ءمينيسترىنىڭ ورىنباسارى ز.بايمولدينا, جوعارعى سوتتىڭ سۋدياسى ج.ارحاروۆا, باس پروكۋروردىڭ ورىنباسارى ج.اسانوۆ, ۇلتتىق قاۋىپسىزدىك كوميتەتى توراعاسىنىڭ ورىنباسارى م.قولقاباەۆ, ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ اپپارات باسشىسى م.سەكسەمباەۆ جانە ت.ب. قاتىستى.
ۇسىنىم بويىنشا بايانداما جاساعان كونستيتۋتسيالىق كەڭەستىڭ مۇشەسى ا.جايىلعانوۆا ساراپشىلاردىڭ, ياعني – كاسپي قوعامدىق ۋنيۆەرسيتەتىنىڭ جەكە قۇقىق عىلىمي-زەرتتەۋ ينستيتۋتىنىڭ ديرەكتورى, ۇلتتىق عىلىم اكادەمياسىنىڭ اكادەميگى, پروفەسسور م.سۇلەيمەنوۆتىڭ, باس عىلىمي قىزمەتكەر, پروفەسسور ك.ءىلياسوۆانىڭ, جەتەكشى عىلىمي قىزمەتكەر, دوتسەنت س.سكريابينانىڭ, قازاق گۋمانيتارلىق زاڭ ۋنيۆەرسيتەتىنىڭ س.زيمانوۆ اتىنداعى ىرگەلى جانە قولدانبالى عىلىمدار اكادەمياسىنىڭ ازاماتتىق-قۇقىقتىق زەرتتەۋلەر عىلىمي-زەرتتەۋ ينستيتۋتىنىڭ ديرەكتورى, پروفەسسور ت.قاۋدىروۆتىڭ, «LexAnalitikزاڭ فيرماسى» جشس ارىپتەسى, زاڭ عىلىمدارىنىڭ كانديداتى Ph.D. د.ا.ءبراتۋستىڭ, برەمەن ۋنيۆەرسيتەتىنىڭ (گەرمانيا فەدەراتيۆتىك رەسپۋبليكاسى) پروفەسسورى ر.كنيپەردىڭ, حالىقارالىق ىنتىماقتاستىق جونىندەگى گەرمان قوعامىنىڭ (GIZ) «ورتالىق ازيا ەلدەرىندەگى قۇقىقتىق مەملەكەتتىلىككە كومەكتەسۋ» وڭىرلىك باعدارلاماسىنىڭ ديرەكتورى ي.پۋدەلكانىڭ, رەسەي سوت تورەلىگى اكادەمياسى شىعىس-ءسىبىر فيليالىنىڭ ازاماتتىق قۇقىق كافەدراسىنىڭ مەڭگەرۋشىسى, زاڭ عىلىمدارىنىڭ كانديداتى, دوتسەنت ۋ.فيلاتوۆانىڭ جانە ءال-فارابي اتىنداعى قازاق ۇلتتىق ۋنيۆەرسيتەتى مەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى عالىمدارىنىڭ پىكىرلەرى ەسكەرىلگەنىن اتاپ ءوتتى.
وسىلايشا ورتاعا سالىنعان ماسەلە بويىنشا كونستيتۋتسيالىق كەڭەس قۇرامى جوعارىدا اتالعانداي, كوپتەگەن ساراپشىلار مەن عالىمداردىڭ, مەملەكەتتىك ورگان وكىلدەرىنىڭ پىكىرلەرىن تىڭداپ, سونداي-اق كونستيتۋتسيالىق ءىس جۇرگىزۋدىڭ وزگە دە ماتەريالدارىمەن تانىسىپ, ءتىپتى, جەكەلەگەن شەتەلدەردىڭ زاڭناماسى مەن تاجىريبەسىنە دە تالداۋ جاسادى. وسىدان كەيىن قازاقستان رەسپۋبليكاسى كونستيتۋتسيالىق كەڭەستىڭ قۇرامى شەشىم شىعاراتىن بولدى. بىراق بۇل ۇسىنىم بويىنشا كونستيتۋتسيالىق كەڭەستىڭ ناقتى شەشىمى كەيىن جاريالاناتىن بولىپ بەلگىلەندى.
الەكساندر تاسبولاتوۆ,
«ەگەمەن قازاقستان».