2022 جىلدىڭ 24-26 قازانىندا استانادا ددۇ ەۋروپالىق وڭىرلىك كوميتەتىنىڭ 73-ءشى سەسسياسى وتەدى. بۇل تۋرالى دەنساۋلىق ساقتاۋ ءمينيسترى اجار عينيات حابارلادى, دەپ جازادى Egemen.kz.
«2023 جىلى ىنتىماقتاستىقتىڭ نەگىزگى اسپەكتىسى بۇۇ باس اسسامبلەياسى دەڭگەيىندە العاشقى مەديتسينالىق-سانيتارلىق كومەك بويىنشا استانا دەكلاراتسياسىن ىلگەرىلەتۋ بولادى. ددۇ باسشىلىعىمەن قول جەتكىزىلگەن ۋاعدالاستىقتارعا بايلانىستى 2023 جىلدىڭ 24-26 قازانىندا ەلوردادا ددۇ ەۋروپالىق وڭىرلىك كوميتەتىنىڭ 73-سەسسياسىن وتكىزۋ تۋرالى شەشىم قابىلداندى», دەدى ۆەدومستۆو باسشىسى دەنساۋلىق ساقتاۋ مينيسترلىگىنىڭ القاسىندا.
اجار عينيات سەسسيا ددۇ-نىڭ 75 جىلدىق مەرەيتويىن, الماتى دەكلاراتسياسىنىڭ قابىلدانعانىنا 45 جىل تولۋىن جانە العاشقى مەديتسينالىق-سانيتارلىق كومەك بويىنشا استانا دەكلاراتسياسىنىڭ قابىلدانعانىنا 5 جىل تولۋىن مەرەكەلەۋگە ورايلاستىرىلاتىنىن اتاپ ءوتتى.