جەكسەنبى كۇنى كەشكە پاكىستاننىڭ وڭتۇستىك-باتىسىنداعى بەلۋدجيستان پروۆينتسياسىنىڭ كيلا سايفۋللا اۋدانىندا جولاۋشىلار اۆتوبۋسى مەن جۇك كولىگى سوقتىعىسىپ جەتى ادام قازا تاپتى, تاعى 20 ادام جاراقات الدى, دەپ حابارلايدى Egemen.kz.
جەرگىلىكتى باق-تىڭ حابارلاۋىنشا, قازا تاپقاندار مەن جارالانعاندار جەرگىلىكتى اۋرۋحاناعا جەتكىزىلگەن.
«قازا بولعاندار سانى ارتۋى مۇمكىن, سەبەبى جاراقات العان كەيبىر ناۋقاستاردىڭ جاعدايى اۋىر», دەيدى دارىگەرلەر.
پاكىستاندا جول اپاتى ءجيى بولىپ تۇرادى, بۇعان سەبەپ - كولىكتەرگە ناشار تەحنيكالىق قىزمەت كورسەتۋ, توزىعى جەتكەن جولدار مەن جول قاۋىپسىزدىگى ەرەجەلەرىن ەلەمەۋ.