قازاقستاندا قوعامدىق ورىنداردا ادەپسىز سوزدەر ايتقان (ۇساق بۇزاقىلىق) ءۇشىن ايىپپۇل 4 ەسەگە دەيىن وسەدى. بۇل تۋرالى ءىىم اكىمشىلىك پوليتسيا دەپارتامەنتى باسشىسىنىڭ ورىنباسارى ازامات قۇرىمباەۆ ايتتى, دەپ حابارلايدى Egemen.kz.
«اكىمشىلىك قۇقىق بۇزۋشىلىق كودەكسىنىڭ جاڭا نۇسقاسىندا قوعامدىق ورىنداردا دورەكى سوزدەر ايتۋ, جەكە تۇلعالاردى قورلاۋ جانە ولارعا قىسىم كورسەتۋ, عيماراتتاردى, قۇرىلىستاردى, تۇرعىن ءۇي-جايلاردى, ورتاق پايدالانۋ ورىندارىن, كولىكتەگى جانە قوعامدىق ورىندارداعى م ۇلىكتى قورلاۋ جانە اينالاسىنداعىلارعا قۇرمەتسىزدىك بىلدىرەتىن, قوعامدىق ءتارتىپتى جانە جەكە تۇلعالاردىڭ تىنىشتىعىن بۇزاتىن باسقا دا وسىنداي ارەكەتتەر ۇساق بۇزاقىلىق بولىپ سانالادى», دەدى ازامات قۇرىمباەۆ.
ونىڭ ايتۋىنشا, ەندى ۇساق بۇزاقىلىق ءۇشىن سوت 5 اەك, ياعني 17 250 تەڭگە ايىپپۇل نەمەسە 15 تاۋلىككە دەيىن قاماۋعا الۋ جازاسىن تاعايىندايدى.
جاڭارتىلعان كودەكس بويىنشا, ايىپپۇل 20 اەك – 69 مىڭ تەڭگەنى قۇرايدى نەمەسە 5 كۇننەن 30 تاۋلىككە دەيىن قاماۋعا الۋ جازاسىن كوزدەيدى.
تۇزەتۋلەر العاشقى رەسمي جاريالانعاننان كەيىن 60 كۇن وتكەن سوڭ كۇشىنە ەنەدى. پرەزيدەنت تۇزەتۋلەرگە 2023 جىلدىڭ 3 قاڭتارىندا قول قويدى.