ۇلتتىق ستاتيستيكا بيۋروسىنىڭ مالىمەتى بويىنشا, 2018 جىلدىڭ ناۋرىز ايىنان باستاپ قايتالاما تۇرعىن ءۇي نارىعىندا باعانىڭ تومەندەۋى بايقالدى. 2022 جىلدىڭ قاراشاسىنان جەلتوقسانىنا دەيىن پاتەرلەردى قايتا ساتۋ 1,5%-عا تومەندەدى, دەپ حابارلايدى Egemen.kz.
اتاپ ايتقاندا, استانادا تۇرعىن ءۇي باعاسى 5,1%-عا, شىمكەنتتە 2,7%-عا جانە اقتاۋدا 1,6%-عا تومەندەدى.
جەلتوقسان ايىندا اباتتاندىرىلعان تۇرعىن ءۇيدى جالداۋ اقىسى وتكەن ايمەن سالىستىرعاندا 1,6%-عا ارزاندادى.
الايدا جاڭا تۇرعىن ءۇيدى ساتۋ باعاسى كەرىسىنشە 0,4%-عا ءوستى.
جالپى العاندا, ءبىر جىل ىشىندە قايتالاما نارىقتاعى پاتەرلەردىڭ باعاسى 21,6%-عا, جاڭا تۇرعىن ۇيلەردىڭ باعاسى 15,6%-عا ءوستى.
2022 جىلعى جەلتوقساندا اباتتاندىرىلعان تۇرعىن ءۇي ءۇشىن جالداۋ اقىسى وتكەن جىلدىڭ سايكەس كەزەڭىمەن سالىستىرعاندا 45%-عا وسكەن.
وڭىرلەردە باستاپقى تۇرعىن ءۇي نارىعىنداعى باعالار ءبىر جىلدا اقتوبەدە 29,3%-عا, اقتاۋدا 26,6%-عا, سەمەيدە 22,3%-عا قىمباتتادى.