باس پروكۋراتۋرا قاڭتار وقيعاسى تۋرالى فيلم ءتۇسىردى

قايعىلى قاڭتاردىڭ حرونولوگياسىن جيناقتاعان فيلم 11 مينۋت 10 سەكۋندقا سوزىلادى.

قاڭتارداعى تارتىپسىزدىكتەر كەزىندە 12 ۇيىمداسقان قىلمىستىق توپ جۇمىس ىستەگەنى انىقتالدى, ولاردىڭ ىشىندە ەڭ بەلسەندىلەرى «قازاقستاندىقتار», «ايشۋاق-جانتۇگەل» جانە «ديكي ارمان» توبى بولدى.

«سوڭعىلارى ءارتۇرلى اۋدانداردان 24 ادامدى ۇرلاپ كەتكەن. ولاردى «قازاقستان» جانە Ritz-Carlton قوناق ۇيلەرىنىڭ پاركينگتەرىندە كەپىلگە الىپ, ۇرىپ-سوعىپ ۇستادى», دەلىنگەن فيلمدە.

سونداي-اق قايعىلى قاڭتار ايىندا بىرقاتار وڭىردە ۇقك جەرگىلىكتى بولىمشەلەرى مەن پوليتسيا دەپارتامەنتتەرىنىڭ باسشىلارى قاراماعىنداعىلارعا جۇمىس ورنىنان كەتۋگە بۇيرىق بەرگەنى بەلگىلى بولدى. مىسال رەتىندە الماتى وبلىسى پد بۇرىنعى باستىعى سەرىك كۇدەباەۆتىڭ پوليتسيا عيماراتىنان كەتىپ بارا جاتقانى كورسەتىلگەن.