قاڭتار وقيعاسى: باس پروكۋراتۋرا قۇربان بولعانداردىڭ سانىن اتادى

باس پروكۋرور توتەنشە جاعداي رەجيمى مەن لاڭكەستىككە قارسى وپەراتسيا كەزىندە بارلىعى 238 ازامات قازا تاپقانىن ايتتى. ونىڭ ىشىندە 41 ادام بۇرىن سوتتالعان.

«قازا بولعاندار تۋرالى ساندىق دەرەكتەر سەنىمدى, تەرگەۋ اياسىندا قايتا تەكسەرىلدى. ونىڭ ىشىندە 67 ادام جاپپاي تارتىپسىزدىكتەرگە قاتىسى بار دەگەن كۇدىككە ءىلىندى, 142-ءسى توتەنشە جاعداي رەجيمىن جانە لاڭكەستىككە قارسى وپەراتسيانى بۇزۋشى, 4-ءى باسقا قىلمىستاردى جاساۋ كەزىندە قايتىس بولدى», دەدى بەرىك اسىلوۆ.

باس پروكۋرور اتاپ وتكەندەي, قازا بولعانداردىڭ ەڭ كوپ سانى – الماتىدا (151 ادام) تىركەلگەن. مۇنداي قۇرباندار قىزىلوردا (26), شىمكەنت (20) جانە تارازدا (17) بولعان.