قارجىنى دۇرىس جوسپارلاماۋدىڭ الەگى

بۇل دەرەكتەردى قارجى مي­نيس­تر­لىگى ىشكى مەملەكەتتىك اۋديت­ كوميتەتىنىڭ توراعاسى ەرجان مىڭجاساروۆ تۇركىستان وبلى­سى­نىڭ تۇرعىندارىمەن جانە بيزنەس سۋبەكتىلەرىنىڭ وكىلدەرىمەن كەزدەسۋدە ءمالىم ەتتى. كوميتەت تورا­عا­سى مىسال رەتىندە كەلتىرگەن تا­عى ءبىر دەرەككە قاراعاندا, تولە بي اۋدانىنىڭ قۇرىلىس, ساۋ­لەت جانە قالا قۇرىلىسى بولىمىمەن ش.ءۋاليحانوۆ اتىن­داعى №16 مەكتەپتى رەكونسترۋكتسيالاۋ كەزىندە 17,7 ملن تەڭگە اتقارىلماعان جۇمىستار ءۇشىن تولەنگەن. اۋديت ماتەريالدارى پروتسەسسۋالدىق شەشىم قابىل­داۋ ءۇشىن قۇقىق قورعاۋ ورگاندارىنا جىبەرىلدى. كەزدەسۋدە ە.مىڭجاساروۆ مەملەكەتتىك ورگانداردىڭ قارجىلىق ءتارتىبى جانە ىشكى مەملەكەتتىك اۋديت كومي­تەتىنىڭ ءرولى, سونداي-اق 11 اي­داعى قول جەتكىزىلگەن كور­سەت­كىشتەر, قولدانىستاعى شارالار جانە الداعى كەزەڭگە جوسپارلانعان جوسپارلار تۋرالى باياندادى. ماسەلەن, وتكەن جىلدىڭ 11 ايىندا 2 151 تەكسەرۋ جۇرگىزىلگەن. ناتيجەسىندە, قارجىلىق بۇزۋشىلىقتار انىق­تا­لىپ, بيۋدجەتكە وتەلدى. 8 761 اۋديت ماتەريالدارى بويىنشا «اكىمشىلىك قۇقىق بۇزۋشىلىق تۋرالى» كودەكسكە سايكەس اكىمشىلىك ىستەر قوزعالدى, ولار بويىنشا 1 886 ادام جاۋاپقا تارتىلعان. ال 186 ءىس تۋرالى ماتەريال قۇ­قىق قورعاۋ ورگاندارىنا جولداندى جانە سومانىڭ 92%-ى ­ بيۋدجەتكە قايتارىلدى. بىلتىر جىل باسىنان بەرى ءتۇرلى سالا­­­لاردان بارلىعى 37 مىڭعا جۋىق ءوتىنىش كەلىپ تۇسكەن, ونىڭ ىشىن­دە شامامەن 22 734 قانا­عات­تان­دىرىلدى. ونىڭ ىشىندە 30 مىڭ­نان استامى – مەملەكەتتىك ساتىپ الۋ راسىمىنە بايلانىستى جۇگىنگەن زاڭدى تۇلعالار. قالعان جەكە تۇل­عا­لار­دان كەلىپ تۇسكەن 7 مىڭ­نان استام ءوتىنىشتى قا­راس­­تىرىپ ارقايسىسىنا جا­ۋاپ بەرىلگەن. وتىنىشتەردىڭ كوبىسى قۇرىلىس, ءبىلىم بەرۋ, كولىك, جولاۋشىلار تاسىمالى جانە مەديتسينا سالاسىنداعى بيۋدجەتتىك اقشانى جۇمساۋ ماسەلەلەرىنە قاتىستى بولىپ كەلەدى. «تەكسەرۋ ناتيجەسىندە 311,8 ملرد تەڭگەگە قارجىلىق بۇزۋشىلىقتار انىق­تال­دى. ولاردىڭ 11,5 ملرد تەڭ­گەسى بيۋدجەتكە وتەلدى, 31 ملرد تەڭگەگە تاۋارلار جەتكىزىلىپ, قىز­­­مەتتەر كورسەتىلدى, جۇمىستار ورىن­دالدى جانە 244,7 ملرد تەڭگە­­گە بۋحگالتەرلىك ەسەپ بويىن­شا كەمشىلىكتەر ءوز قالپىنا سايكەستەندىرىلدى. مەملەكەتتىك ورگاندار قىزمەتىنىڭ تيىمدىلىگىن ارتتىرۋعا ارنالعان ەكى مىڭعا جۋىق ۇسىنىس بەرىلىپ, ونىڭ 74%-دان كوبى ورىندالدى. نەگى­زىنەن, بۇزۋشىلىقتار بيۋدجەت قاراجاتىن بۇرىس جوسپارلاۋ­­­دان ورىن الادى. سونىڭ سالدارىنان بيۋدجەت قاراجاتىن اسىرا جوس­­­پارلاۋ, جالاقى نەمەسە باسقا دا تولەمدەردى نەگىزسىز اۋدارۋ, ورىندالماعان جۇمىستار جانە اتقارىلماعان قىزمەتتەر ءۇشىن بيۋدجەت قاراجاتىن نەگىزسىز تولەۋ فاكتىلەرى ءجيى ورىن الادى», دەدى كوميتەت توراعاسى.

سونداي-اق ە.مىڭجاساروۆ كومي­تەتتىڭ بارلىق اۋماقتىق بولىم­شەلەرىندە مەملەكەتتىك مە­­كەمەلەردىڭ قارجى-شارۋا­شى­لىق قىزمەتىنە ەلەكتروندىق اۋديت ءمودۋلى ىسكە قوسىلعانىن ايتىپ ءوتتى. جاڭا ەلەكتروندىق اۋديت پلاتفورماسى ارقىلى 18 اۋديت ءىس-شاراسى تاعايىندالىپ, ونىڭ 9-ى اياقتالعان. اتالعان اۋديت ارقىلى 2,3 ملرد تەڭگەنى قامتىپ, بيۋدجەتتىك جانە دە باسقا زاڭنامالاردىڭ نورمالارى 12,5 ملن تەڭگەگە بۇزىلعانى انىقتالدى. ونىڭ ىشىندە 3,7 ملن تەڭگە بيۋدجەتكە وتەلدى. سو­نى­مەن قاتار ەلەكتروندىق ءاۋديتتى جۇرگىزۋدى ىشكى اۋديت قىز­مەتتەرىنە دە تاراتۋ جوس­پار­لانىپ وتىر. كوميتەت تورا­عاسىنىڭ ايتۋىنشا, ساپالى تاۋارلاردى, جۇمىستاردى, كور­سەتىلەتىن قىزمەتتەردى ساتىپ الۋ ماقساتىندا 2023 جىلعى 1 قاڭتاردان باستاپ ومىرلىك تسيكل قۇنىن پايدالانا وتىرىپ, كونكۋرس تۇرىندە ساتىپ الۋدىڭ جاڭا ءتاسىلى ەنگىزىلەدى. ساتىپ الۋدىڭ وسى ءادىسىن جۇزەگە اسىرۋ كەزىندە ءونىم بەرۋشىنى تاڭداۋ باستاپقى باعا نەگىزىندە ەمەس, تاۋاردىڭ بۇكىل قىزمەت ەتۋ مەرزىمىنىڭ قۇنى نەگىزىندە جۇزەگە اسىرىلادى.

كەزدەسۋگە قاتىسقان تۇركىستان وبلىسى اكىمىنىڭ ورىنباسارى ا.ءسابيتوۆ ءوڭىردىڭ 2022 جىلى  قول جەتكىزىلگەن كورسەتكىشتەرى تۋرالى بايانداما جاساپ, تۇر­عىن­دار­دىڭ سۇراعىنا جاۋاپ بەردى.

تۇركىستان وبلىسى