كوممۋنالدىق جەلىلەر توزىپ تۇر

قازاقستاننىڭ ەلەكتر ەنەرگياسىمەن, گازبەن, بۋمەن, ىس­تىق سۋمەن جانە كونديتسيونەر­لەن­گەن اۋامەن جابدىقتاۋ سەكتو­رىنداعى كاسىپورىنداردىڭ نەگىزگى قورلارىنىڭ توزۋ دەڭگەيى 71,7 پايىزعا جەتكەن. سونىڭ ىشىندە نىسانداردىڭ توزۋ كورسەت­كىشى – 71,7, ال ماشينالار مەن قۇرىلعىلاردىڭ توزۋ كورسەت­كىشى – 62,2 پايىز. مۇنداي ستا­تيستيكالىق دەرەكتى Finprom ساراپشىلارى ۇسىنىپ وتىر.

جاقىندا ۇكىمەتتىڭ كەڭەي­تىلگەن وتىرىسىندا پرەزيدەنت قىزمەتكەرلەردىڭ جاۋاپسىزدىعى مەن باقىلاۋ جۇيەسىنىڭ السىزدىگى مىڭداعان ادامدى جىلۋسىز قالدىردى دەپ قاتاڭ سىنادى.

«جاۋاپتى قىزمەتكەرلەر قىس­تى قالىپتى رەجىمدە, امان-ەسەن وتكىزەمىز دەپ ەسەپ بەرگەن. بىراق ءىس جۇزىندە جاعدايدىڭ قالاي بولىپ جاتقانىن كو­رىپ وتىرسىزدار. پاۆلودار وب­لىسىنىڭ اكىمى ءوز وتىنىشىمەن قىزمەتىنەن بوساتىلدى. ال قۇزىرلى مەملەكەتتىك ورگان – ەنەرگەتيكا مينيسترلىگىنىڭ ەشقانداي ارەكەتىن كورگەن جوق­پىز, بۇل مەكەمە اپاتقا سەلقوس قاراپ, بەيتاراپتىق تانىتتى. سونداي-اق توتەنشە جاعداي قىز­مەتتەرىنىڭ جۇمىسى دۇرىس جولعا قويىلماعان. ولار باياۋ قيمىلداپ, سالعىرتتىق تانىتتى. توزۋ دەڭگەيى 90 پايىزدان اسقان ەكىباستۇز جەس-ءىن مەملەكەتكە 1 تەڭگەگە ساتۋ تۋرالى ۇسىنىس ساراپتاۋدى قاجەت ەتەدى», دەدى پرەزيدەنت.

مەملەكەت باسشىسىنىڭ پىكى­رىنە قاراعاندا, نىسانعا تاۋەلسىز اۋديت جۇرگىزۋ كەرەك. ابدەن توز­عان ورتالىقتى مەملەكەتتىڭ ءتيىم­دى باسقارا الۋ ماسەلەسىن زەرتتەۋ كەرەك. كاسىپورىننىڭ 50 پايى­زىن الىپ, مەنشىك يەسىنە جىلۋ ەلەكتر ورتالىعىن كۇردەلى جوندەۋدەن وتكىزۋدى تاپسىرعان ءجون. مەملەكەت باسشىسى ەلىمىز­دەگى جەس-تەردىڭ ورتاشا توزۋ دەڭگەيى 66 پايىزعا, ال كەيبىر قالالاردا شەكتى مەجەدەن اسىپ, 80 پايىزعا جەتكەنىنە توقتالدى. جىلۋ ەلەكتر ستانسالارىنىڭ ۇشتەن ءبىرىنىڭ پايدالانۋعا بەرىل­گەنىنە جارتى عاسىردان اسقان. ەل اۋماعىندا ۇزىندىعى 1,5 مىڭ شاقىرىم بولاتىن جىلۋ جەلىلەرى دە كۇردەلى جوندەۋگە مۇقتاج بولىپ وتىر.

ال شىعىس قازاقستان وبلى­سىنىڭ ريددەر مەن شەمونايحا قالالارىنداعى جىلۋمەن قامتۋ جەلىلەرى مۇلدەم توزعان.

پرەزيدەنت اكىمشىلىگى جانىنان قۇرىلعان ارنايى كوميسسيا دۇرىس جۇمىس ىستەمەي تۇرعان 19 جىلۋ ەلەكتر ورتالىعىن انىق­تاعان. ولاردى شۇعىل جاڭ­عىرتۋ ءۇشىن شامامەن 90 ملرد تەڭگە كولەمىندە قاراجات كەرەك. قاسىم-جومارت توقاەۆتىڭ سوزىنە دەن قويساق, مەملەكەت مەنشىگىندەگى ەنەرگەتيكالىق نىساندار بيۋدجەت ەسەبىنەن, ال جەكەمەنشىك نىساندار ء«تاريفتى ينۆەستيتسياعا ايىر­باستاۋ» باعدارلاماسى اياسىندا ءوز قاراجاتى ەسەبىنەن جاڭعىرۋى قاجەت.

بىلتىرعى قازاندا ەنەر­گەتيكا ءمينيسترى بولات اق­شولاقوۆ ەنەر­گەتيكالىق قۇ­رىل­عىلارداعى اپات­تىق توقتاۋلار سانى 22 پايىز­عا ۇلعايعانىن, ال ولاردىڭ جال­عاسۋ ۇزاقتىعى 16 پايىزعا ارت­قانىن مالىمدەگەن ەدى. ءوندى­رۋشى قۋاتتاردىڭ توزۋى شامامەن 60 پايىزدى قۇراعان. كوم­مۋنالدىق جەلىلەردىڭ توزۋى اپاتتى جاعدايلاردىڭ كوبەيۋىنە جانە ازاماتتاردى كوممۋنالدىق قىزمەتتەرمەن قامتاماسىز ەتۋ ساپاسىنىڭ كۇرت تومەندەۋىنە اكەلىپ سوعادى.

«2021 جىلى كوشەدەگى گاز جەلىلەرىندە 45 اپات تىركەلگەن – الدىڭعى جىلمەن سالىستىرعاندا 2,4 ەسە كوپ. سونىمەن قاتار تاعى 74 شاقىرىمدىق گاز جەلى­سى جوندەۋدى قاجەت ەتىپ تۇر. 2021 جىلى سۋمەن جابدىقتاۋ سالاسىن­داعى اپات سانى 1,9 مىڭعا جەتتى. 19 مىڭ شاقىرىمنان استام جەلى اۋىس­تىرۋدى كەرەك ەتەدى. بۇل – جال­­پى جەلىنىڭ 22 پايىزى. ونىڭ 6,2 مىڭ شاقىرىمى – سۋ قۇ­بىر­­لارى, 9,7 مىڭ شاقىرىمى – كوشە­دەگى جەلىلەر, 3,5 مىڭى – كۆار­تال ىشىندەگى جانە اۋلا ىشىن­دەگى جەلىلەر. جىلۋمەن جاب­دىق­تاۋ كوزدەرىندە, بۋ جانە جىلۋ جە­لى­لەرىندە 2018 جىلى – 54, 2019 جىلى – 84, 2020 جىلى 52 اپات انىقتالدى», دەپ جازدى Finprom.

رەسپۋبليكالىق داعدارىس ورتالىعىنىڭ مالىمەتى بو­يىنشا, 2022 جىلى ءومىردى قامتاماسىز ەتۋ سالاسىندا 26 تەحنولوگيالىق ىركىلىس بولعان. ىركىلىستەر نەگىزىنەن اۆتونومدى قازاندىقتاردا (2), جىلۋمەن جابدىقتاۋ جەلىلەرىندە (11) جانە سۋمەن جابدىقتاۋ جەلىلەرىندە (13) تىركەلگەن.