2020 جىلى «وقۋ مەكتەبى» رەسپۋبليكالىق جوباسى ىسكە قوسىلدى. وقۋ-اعارتۋ ءمينيسترى اسحات ايماعامبەتوۆ جوبانىڭ ماقساتى جايلى ايتىپ بەردى, دەپ حابارلايدى Egemen.kz.
«جوبانىڭ ماقساتى - بالالاردى كوركەم ادەبيەت وقۋعا تارتۋ. جوبا باستالعانعا دەيىن جۇرگىزىلگەن تالداۋ ءبىزدىڭ مەكتەپتەردىڭ كىتاپحانالارىندا, اسىرەسە قازاق تىلىندە زاماناۋي كوركەم ادەبيەتتىڭ جوقتىعىن كورسەتتى. وسىعان بايلانىستى ءبىز ادەبيەتتىڭ ەڭ الدىمەن قازاق تىلىندە قولجەتىمدىلىگىنە جانە عىلىمي فانتاستيكا جانرى مەن الەمدىك ادەبيەتتىڭ ۇزدىك شىعارمالارىنىڭ باسىلىمدارىنىڭ تىزىمىنە ەنگىزىلۋىنە باسا نازار اۋداردىق», دەپ جازدى مينيستر Facebook پاراقشاسىندا.
اسحات ايماعامبەتوۆتىڭ ايتۋىنشا, مەكتەپتەردى كىتاپتارمەن قامتاماسىز ەتۋ, كىتاپحاناشىلاردىڭ جۇمىسىن قايتا قاراۋ, جۇمىس ىستەپ تۇرعان كىتاپحانالار مەن كوۆوركينگ-ورتالىقتاردى قايتا فورماتتاۋ, سونداي-اق بالالار اراسىندا كونكۋرستار وتكىزۋ, كىتاپتار وقۋعا جانە باسقا دا ءىس-شارالارعا 20 مينۋت ەنگىزۋ جونىندە شارالار قابىلداندى.
«ەكى جىل ىشىندە ءبىزدىڭ مەكتەپ كىتاپحانالارى ءۇشىن 4 ملن-عا جۋىق ادەبيەت ساتىپ الىندى. وكىنىشكە قاراي, جوبا بارلىق وڭىرلەردە بىردەي ساپالى جۇزەگە اسىرىلا بەرمەيدى, بىراق ءبىز وسى باعىتتا جۇمىس ىستەيتىن بولامىز. ءبىز سونداي-اق مەكتەپتەر ىشىندەگى رەكرەاتسيالىق كەڭىستىكتەردە اشىق كىتاپحانالاردى دامىتۋعا نيەتتىمىز. كەستە بويىنشا جۇمىس ىستەيتىن ءداستۇرلى مەكتەپ كىتاپحانالارىنان باسقا, ءبىز كىتاپ وقۋعا, ءتىپتى مۇقتاج ادامدارعا ساباق بەرۋگە مۇمكىندىك بەرگىمىز كەلەدى», دەپ تولىقتىردى مينيستر.
ۆەدومستۆو باسشىسى اتاپ وتكەندەي, وتكەن جىلى مەملەكەتتىك تىلدەگى اۋدارما ادەبيەتتەرىنىڭ سانى كۇرت ءوستى. وقۋعا دەگەن قىزىعۋشىلىقتىڭ ارتۋى قازاق تىلىندەگى كىتاپتاردى ساتۋعا دا اسەر ەتەدى.
«وقىرمان رەتىندە مەن قازاق تىلىنە ساپالى اۋدارىلعان بەستسەللەرلەردى كوبىرەك كەزدەستىرەمىن. ساپالى وتاندىق باسىلىمدار مەن اۆتورلاردىڭ سانى ارتىپ كەلە جاتقانى قۋانتادى», دەپ جازدى مينيستر.
بۇل رەتتە اسحات ايماعامبەتوۆ 3 وتاندىق اۆتوردىڭ جۇمىسىن ەرەكشە اتادى.
رۇستەم ساۋىتباي - «شوكو الەم»; زيرا نۋرىزباەۆا - «التىن توستاعاندى ىزدەۋ. باتۋ مەن ونىڭ دوستارىنىڭ باستان كەشكەندەرى»; «ەركەتاي» كوميكستەرى.