قازاقستان پرەزيدەنتىنىڭ اتىنا جاڭا جىلعا وراي شەت مەملەكەتتەر مەن حالىقارالىق ۇيىمداردىڭ باسشىلارىنان قۇتتىقتاۋلار كەلىپ ءتۇسىپ جاتىر, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى قاسىم-جومارت توقاەۆتى رەسەي پرەزيدەنتى ۆلاديمير پۋتين, قىتاي حالىق رەسپۋبليكاسىنىڭ توراعاسى سي تسزينپين, قىرعىزستان پرەزيدەنتى سادىر جاپاروۆ, تاجىكستان پرەزيدەنتى ەمومالي راحمون, تۇرىكمەنستان پرەزيدەنتى سەردار بەردىمۇحامەدوۆ, ازەربايجان پرەزيدەنتى يلحام اليەۆ, ارمەنيا پرەزيدەنتى ۆااگن حاچاتۋريان, ارمەنيا پرەمەر-ءمينيسترى نيكول پاشينيان, بەلارۋس پرەزيدەنتى الەكساندر لۋكاشەنكو, ريم پاپاسى فرانتسيسك, ۆەتنام پرەزيدەنتى نگۋەن سۋان فۋك, ۇلىبريتانيا پرەمەر-ءمينيسترى ريشي سۋناك, گەرمانيا پرەزيدەنتى فرانك-ۆالتەر شتاينمايەر, يتاليا پرەزيدەنتى سەردجو ماتارەللا, موڭعوليا پرەزيدەنتى ۋحنااگين حۋرەلسۋح, كورەيا پرەزيدەنتى يۋن سوك يول, ءۇندىستان پرەمەر-ءمينيسترى نارەندرا مودي, جاپونيا پرەمەر-ءمينيسترى فۋميو كيشيدا, كۋۆەيت ءامىرى ناۋاف ءال-احماد ءال-دجابەر ءاس-ساباح, رۋاندا پرەزيدەنتى پول كاگاما, جاڭا زەلانديانىڭ گەنەرال-گۋبەرناتورى سيندي كيرو, سان-مارينونىڭ كاپيتان-رەگەنتتەرى ماريا لۋيزا بەرتي مەن براحيم تاحا, سونىمەن قاتار بۇرىنعى مەملەكەت جانە ۇكىمەت باسشىلارى, شەت مەملەكەتتەردىڭ كورنەكتى مەملەكەت قايراتكەرلەرى, شەتەلدىك ءىرى كومپانيالاردىڭ, بانكتەردىڭ, قارجى ينستيتۋتتارىنىڭ, ديپلوماتيالىق ميسسيالاردىڭ باسشىلارى مەن باسقا دا رەسمي تۇلعالار قۇتتىقتادى.
قۇتتىقتاۋ جەدەلحاتتارىندا قازاقستاننىڭ شەت مەملەكەتتەرمەن ەكىجاقتى جانە كوپجاقتى ىنتىماقتاستىعىن نىعايتۋدىڭ ماڭىزدى اسپەكتىلەرى, باسىمدىقتارى اتاپ وتىلگەن. سونداي-اق قاسىم-جومارت توقاەۆ پەن قازاقستان حالقىنا جۇرەكجاردى تىلەكتەر ايتىلعان.
قۇتتىقتاۋلار ءالى دە كەلىپ جاتىر.