قازاقستان تەننيس قۇراماسى اۋستراليانىڭ بريسبەن قالاسىندا United Cup كوماندالىق تۋرنيرىندە ونەر كورسەتىپ جاتىر. قازاقستاندىقتار العاشقى ماتچىن شۆەيتساريا قۇراماسىمەن وتكىزدى, دەپ حابارلايدى Egemen.kz.
قازاقستان تەننيس فەدەراتسياسى حابارلاعانداي, بۇگىن ەلىمىزدىڭ ءبىرىنشى راكەتكاسى, كوماندا كاپيتانى الەكساندر بۋبليك كورتقا شىعادى. ول شۆەيتساريانىڭ اسا تاجىريبەلى ويىنشىسى ستەن ۆاۆرينكامەن سىنعا تۇسەدى. ويىن شامامەن استانا ۋاقىتىمەن 13.30-دا باستالادى. جىبەك قۇلامباەۆا الەمنىڭ 35-راكەتكاسى جيل تايحمانمەن شەبەرلىك بايقاسادى. ەڭ سوڭعى باسەكە – ارالاس جۇپتا الەكساندر بۋبليك پەن يۋليا پۋتينتسەۆا ستەن ۆاۆرينكا – بەليندا بەنچيچپەن وينايدى.
جارىستىڭ ءبىرىنشى كۇنى قازاقستاندىقتار ءۇشىن ءساتسىز بولدى. يۋليا پۋتينتسەۆا الەمنىڭ 13-راكەتكاسى, توكيو وليمپياداسىنىڭ چەمپيونى بەليندا بەنچيچكە ەسە جىبەردى – 6:7(0:7), 3:6. ءبىرىنشى سەتتە قازاقستاندىق تەننيسشى 4:2 ەسەبىمەن الدا تۇردى. ەسەپ 5:4 بولعان مەزەتتە دە ەكى سەت-پوينتتى پايدالانا المادى. ەكىنشى پارتيادا دا 2:0 ەسەبىمەن العا شىققانىمەن, جەڭىلىس تاپتى.
تيموفەي سكاتوۆ الەمنىڭ 56-راكەتكاسى مارك-اندرە حۋسلەرگە تارتىستى ماتچتا جول بەردى – 6:4, 3:6, 3:6.
وسىلايشا, شۆەيتساريا 2:0 ەسەبىمەن الدا تۇر.