مەملەكەتتىك قۋىرشاق تەاترىندا كوپبالالى وتباسىلار «امانات» پارتياسى مەن مەدەۋ اۋدانى «باقىتتى وتباسى» الەۋمەتتىك ورتالىعى ۇيىمداستىرعان جاڭاجىلدىق باعدارلامانى تاماشالادى.
ءىس-شارا اياسىندا بالالارعا جاڭاجىلدىق تاتتىلەر ۇلەستىرىلىپ, قىزىقتى كەشتىڭ كۋاسى بولدى.
«باقىتتى وتباسى» الەۋمەتتىك ورتالىعى وسى جىل ىشىندە قيىنشىلىققا تاپ بولعان كوپتەگەن وتباسىلارعا الەۋمەتتىك كومەك كورسەتىپ, مادەني شارالارعا بەلسەندى اتسالىسۋعا قولداۋ كورسەتتى. وسى الەۋمەتتىك جوبالار اياسىندا باعدارلاۋ جۇمىستارى, پسيحولوگيالىق-قۇقىقتىق ءبىلىم بەرۋ, الەۋمەتتىك-مەديتسينالىق, ەڭبەك جانە مادەني سيپاتتاعى ءىس-شارالار دا قاتار اتقارىلعان بولاتىن.
ورتالىقتا زاڭگەرلىك, پسيحولوگيالىق جانە اقپاراتتىق كومەك پەن كونسۋلتاتسيا, ءپروفيلدى وقىتۋ, كوپبالالى جانە از قامتىلعان وتباسىلاردىڭ بارلىق مۇشەلەرىنە قوسىمشا ءبىلىم بەرۋ جانە دامىتۋ تەگىن ىسكە اسسا, وتەۋسىز گرانت جەڭىپ الىپ, ءوز كاسىبىن اشام دەگەندەر ءۇشىن دە قولداۋ كورسەتىلدى. ءتيىستى ۆەدومستۆولار مەن مەتسەناتتاردى تارتۋ ارقىلى الەۋمەتتىك كومەك كورسەتىلدى.
سوڭعى 2,5 جىل ىشىندە الەۋمەتتىك باعىتتاعى جوبالاردىڭ تانىمالدىعى ارتا ءتۇستى. «Isker Ana» باعدارلاماسى, «باقىتتى وتباسى» تۇرعىن ءۇي باعدارلاماسى, بالاباقشاداعى تاماق اقىسى, جوعارى وقۋ ورتالىقتارىنىڭ ءبىلىم الۋشىلارىنا, كوللەدج, مەكتەپ وقۋشىلارىنا ارنالعان شاكىرتاقى, «امانات» پارتياسى جانىنداعى «باقىتتى وتباسى» قوعامدىق قورى, ەڭبەك باعدارلاماسى بويىنشا وقىتۋ جانە جۇمىسقا ورنالاستىرۋ, الەۋمەتتىك تولەمدەر مولشەرىن ۇلعايتۋ شارالارىنا قاتىستى ماسەلەلەر ۋاقىتىندا شەشىمىن تاۋىپ كەلەدى.
وسى مەرزىمدە مەدەۋ اۋدانىنا قارىستى «باقىتتى وتباسى» الەۋمەتتىك ورتالىعىندا 3609 ادام تىركەلسە, 5476 ادامعا اقپاراتتىق-كونسۋلتاتسيالىق جانە رەسۋرستىق قولداۋ كورسەتىلگەن. ادىستەمەلىك جانە زاڭ كومەگىنە جۇگىنگەندەر - 2208, بازالىق ترەنينگتەرگە قاتىسقاندار - 236, كوپبالالى وتباسىلارعا ارنالعان وقىتۋ كۋرستارىنان وتكەندەر 119-دى قۇرايدى. ازىق-ت ۇلىكپەن - 186, زاتتاي كومەك 1577 ادامعا كورسەتىلگەن. قوعامدىق ۇيىمدار ەسەبىنەن تۇرعىن ۇيمەن 4 ادام قامتاماسىز ەتىلسە, 22 ادام جۇمىسقا ورنالاسقان.
مەدەۋ اۋدانى «باقىتتى وتباسى» ورتالىعىنىڭ باسشىسى تولقىن سامەتوۆا وسى يگى ىستەردىڭ باسى-قاسىندا جۇرگەن امانات پارتياسىنىڭ مۇشەلەرىنە, الماتى قالاسى الەۋمەتتىك ءال-اۋقات باسقارماسى, حالىقتى جۇمىسپەن قامتۋ ورتالىعى مەن مەدەۋ اۋدانى اكىمدىگىنىڭ, «اتامەكەن» ۇلتتىق كاسىپكەرلەر پالاتاسى ماماندارىنا, «Rahym» الەۋمەتتىك ءۇيىنىڭ باسشىسى ب.شەراليەۆاعا, «باقىتتى وتباسى» جوباسىنىڭ باسشىسى ءا. بايديلدانوۆاعا, ASD كاسىپكەر ايەلدەر قاۋىمداستىعىنىڭ وكىلدەرى – گ.كايراتوۆا, س.ارالباەۆا, ا. جايلىباەۆاعا, قازاقستانداعى داعدارىس ورتالىقتارى وداعى باسقارما ءتورايىمى ز.بايساكوۆاعا, «جەتىسۋ كۇشى» قق قۇرىلتايشىسى ءا.ابيتاەۆاعا, «Asar–ume» قق نەگىزىن قالاۋشى ا.نۋرماشەۆقا ريزاشىلىعىن ءبىلدىردى.
الماتى