مەملەكەت باسشىسى قاسىم-جومارت توقاەۆ 2023 جىلدىڭ 1 قاڭتارىنان باستاپ قازاقستان رەسپۋبليكاسى كونستيتۋتسيالىق سوتىنىڭ توراعاسى لاۋازىمىنا كىرىسەتىن ەلۆيرا ازيموۆانى قابىلدادى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
پرەزيدەنت كونستيتۋتسيا نورمالارىنىڭ مۇلتىكسىز ساقتالۋىن قامتاماسىز ەتەتىن جاڭا ورگان قۇرۋدىڭ ماڭىزدىلىعىن اتاپ ءوتتى.
قاسىم-جومارت توقاەۆ كونستيتۋتسيالىق سوت ەلىمىزدەگى دەموكراتيانىڭ نەگىزگى قاعيداتتارىنىڭ ورنىعۋىنا ۇلەس قوسىپ, ازاماتتاردىڭ قۇقىقتارى مەن بوستاندىقتارىن قورعاۋعا زور ۇلەس قوساتىنىنا سەنىم ءبىلدىردى.
ايتا كەتسەك, كونستيتۋتسيالىق سوت كونستيتۋتسيالىق كەڭەستىڭ قۇزىرەتىنە كىرگەن ماسەلەلەر شەڭبەرىنەن تىس ازاماتتاردىڭ بەلگىلى ءبىر نورماتيۆتىك قۇقىقتىق اكتىلەر ولاردىڭ كونستيتۋتسيالىق قۇقىقتارىن بۇزادى دەپ سانايتىن وتىنىشتەرىن دە قارايدى.