ەڭبەك رەسۋرستارىن دامىتۋ ورتالىعىنىڭ ورتا مەرزىمدى بولجامىنا سايكەس, قازاقستاندا جالدامالى جۇمىسكەرلەرگە سۇرانىس 1,9 ملن ادامدى قۇرايدى, دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
ساراپشىلاردىڭ بولجامىنا سايكەس, جاڭا سۇرانىستىڭ ۇلەسى 45%-دى, ياعني 867 مىڭ ادامدى, ال اۋىستىرۋ بويىنشا سۇرانىستىڭ ۇلەسى 55%-دى, ياعني 1 ملن ادامدى قۇرايدى.
بۇل رەتتە وپتيميستىك ستسەناري بويىنشا سۇرانىس كولەمى 2,1 ملن ادام, ال پەسسيميستىك ستسەناري بويىنشا 1,8 ملن ادام كۇتىلەتىنى اتاپ ءوتىلدى.
وڭىرلىك بولىنىستە ۋربانيزاتسيا مەن مەگاپوليستەردەگى حالىقتىڭ شوعىرلانۋى جالعاساتىنى كۇتىلەدى. دەمەك جالدامالى جۇمىسكەرلەرگە ەڭ ۇلكەن جيىنتىق سۇرانىسى استانا مەن رەسپۋبليكالىق ماڭىزى بار قالالاردا ارتادى.
«جالدامالى جۇمىسشىلارعا سۇرانىس 2028 جىلى كۇتىلەتىن ەڭ جوعارى دەڭگەيگە جەتكەنگە دەيىن ارتادى, سول كەزدە بولجامدى قاجەتتىلىك 261 مىڭ ادامدى قۇرايدى. بۇل ءىشىنارا 2023 جىلدان 2028 جىلعا دەيىن ايەلدەردىڭ زەينەتكەرلىك جاسىن ارتتىرۋ توقتاتىلا تۇراتىندىعىنا بايلانىستى. جالپى العاندا, جالدامالى جۇمىسكەرلەرگە سۇرانىستاعى وندىرىستىك سەكتوردىڭ (اۋىل شارۋاشىلىعى, ونەركاسىپ جانە قۇرىلىس) ۇلەسى 27-29%-دى قۇرايدى, ال قىزمەت كورسەتۋ سالاسىنىڭ ۇلەسىنە تيىسىنشە 71-73%-دى قۇرايدى. بۇل رەتتە كادرلارعا ەڭ ۇلكەن قاجەتتىلىك – ءبىلىم بەرۋ, دەنساۋلىق ساقتاۋ, مەملەكەتتىك باسقارۋ سەكتورىنا تيەسىلى بولادى, وندا ول 547-دەن 678 مىڭ ادامعا دەيىن نەمەسە جيىنتىق سۇرانىستىڭ 31-33%-ىن قۇرايدى», دەپ ءتۇسىندىردى ەردو بولجاۋ دەپارتامەنتى ديرەكتورىنىڭ ورىنباسارى قايىربەك اياشەۆ.
تاۋارلاردى تاسىمالداۋ جانە ءبولۋ سالاسىندا (ساۋدا, كولىك جانە قويمالاۋ, تۇرۋ جانە تاماقتانۋ قىزمەتتەرى) كورسەتىلگەن كەزەڭدە جالدامالى جۇمىسكەرلەرگە سۇرانىس 336-دان 384 مىڭ ادامعا دەيىن نەمەسە جيىنتىقتان 18-19%-عا دەيىن بولادى دەپ كۇتىلەدى.
بيزنەس-قىزمەتتەر سالاسىندا (اقپارات جانە بايلانىس, قارجى جانە ساقتاندىرۋ, جىلجىمايتىن م ۇلىكپەن جاسالاتىن وپەراتسيالار, كاسىبي جانە عىلىمي قىزمەت, اكىمشىلىك جانە قوسالقى قىزمەت كورسەتۋ) جالدامالى قىزمەتكەرلەرگە بولاشاق سۇرانىس 268-دەن 314 مىڭ ادامعا دەيىن نەمەسە جيىنتىق سۇرانىستان 15%-ى باعالانادى.
ونەركاسىپتە جالدامالى جۇمىسكەرلەرگە سۇرانىس 219-259 مىڭ ادام (جيىنتىقتان 12%), اۋىل شارۋاشىلىعىندا – 193-200 مىڭ ادام (10-11%), وزگە دە قىزمەتتەر سالاسىندا – 105-130 مىڭ ادام (6%), قۇرىلىس سەكتورىندا – 91-111 مىڭ ادام (5%) دەڭگەيىندە كۇتىلەدى.