قازاق ۇلتتىق قىزدار پەداگوگيكالىق ۋنيۆەرسيتەتىنىڭ بۇرىنعى رەكتورى 7 جىلعا سوتتالدى, دەپ حابارلايدى Egemen.kz انتيكورعا سىلتەمە جاساپ.
«قاراساي اۋداندىق سوتىنىڭ ۇكىمىمەن بۇرىنعى رەكتور – «قازاق ۇلتتىق قىزدار پەداگوگيكالىق ۋنيۆەرسيتەتىنىڭ» كەاق باسقارما توراعاسى گ.الدامبەرگەنوۆا, رەكتوردىڭ كەڭەسشىسى ق. قوجانتاەۆ (الدامبەرگەنوۆانىڭ تۋعان اعاسى) جانە «ازاماتتارعا ارنالعان ۇكىمەت «مەملەكەتتىك كورپوراتسياسى» كەاق فيليالىنىڭ قاراساي جەر كاداسترى جانە جىلجىمايتىن م ۇلىك ءبولىمىنىڭ باسشىسى ا. جۋرۋنوۆ كىنالى دەپ تانىلىپ, 7 جىلعا باس بوستاندىعىنان ايىرىلدى», دەپ حابارلادى ۆەدومستۆودان.
سول ۇكىممەن قاراساي ءبولىمى باسشىسىنىڭ ورىنباسارى د. ءجۇمادىل مەن ءبولىم مامانى ە. كەمال شارتتى تۇردە 7 جىلعا باس بوستاندىعىنان ايىرىلدى.
بارلىق سوتتالعاندارعا مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرۋ تۇرىندەگى جازا قولدانىلدى.
تەرگەۋ بارىسىندا سوتتالعانداردىڭ بوگدە تۇلعالارعا زاڭسىز رەسىمدەلگەنى, ۋنيۆەرسيتەتتىڭ 9 گا جەر ۋچاسكەسىن ءبولىپ جانە ادال ساتىپ الۋشىلارعا ساتقانى دالەلدەندى. ناتيجەسىندە ۋنيۆەرسيتەتكە 95,5 ميلليون تەڭگە شىعىن كەلتىرىلدى.
ۇكىم زاڭدى كۇشىنە ەنگەن جوق.