شىمكەنت قالاسىنىڭ سالىق ورگاندارى كاسىپكەرلەرگە 1 000 اەك-تەن اسپايتىن مامىلەلەر كەزىندە قولما-قول اقشا تولەۋگە مۇمكىندىك بەرەتىن «تولەمدەر جانە تولەم جۇيەلەرى تۋرالى» زاڭ نورماسىن بۇزىپ, ايىپپۇل سالعان, دەپ حابارلايدى Egemen.kz.
وسىلايشا بيزنەس جاپپاي جانە نەگىزسىز اكىمشىلىك جاۋاپكەرشىلىككە تارتىلادى.
«اتامەكەن» ۇكپ سالىق سالۋ دەپارتامەنتىنىڭ ديرەكتورى جەڭىس جانبولاتوۆانىڭ ايتۋىنشا, سالىق ورگاندارى كاسىپكەرلەردىڭ 1000 اەك-تەن اسپايتىن سوماسى بار ءاربىر مامىلەسىنە كۇمان كەلتىرۋى ماسەلە بولىپ تۇر. سالىق ورگاندارى مامىلەردى ءبىر مامىلەگە بىرىكتىرىپ, اكىمشىلىك قۇقىق بۇزۋشىلىق تۋرالى كودەكستىڭ 266-بابىن زاڭسىز قولدانىپ, كاسىپكەرلەرگە 1000 اەك سوماسى قولما-قول تولەممەن اسىپ كەتكەن جاعدايدا مامىلە سوماسىنىڭ 5% مولشەرىندە ايىپپۇل تۇرىندە اكىمشىلىك جاۋاپقا تارتقان.
«مىسالى, جالپى سوماسى شامامەن 406 ملن تەڭگەگە ءتۇرلى تيپتەگى تاۋارلار جانە ءتۇرلى مەرزىمدە 16 ءتۇرلى جەتكىزۋشىلەرمەن جاسالعان 178 دەربەس كەلىسىمشارتتى ءبىر مامىلەگە بىرىكتىرۋ جاعدايلارى ورىن العان. ال ايىپپۇل 20 ملن تەڭگەدەن استام سوماعا قولدانىلدى. جاعداي كۇن سايىن اسقىنىپ بارادى. شىمكەنت كاسىپكەرلەرى اراسىندا شيەلەنىس ۇدەپ كەلەدى», دەيدى جەڭىس جانبولاتوۆا.
سپيكەر اكىمشىلىك قۇقىق بۇزۋشىلىق تۋرالى كودەكستىڭ 266-بابى سۋبەكت ەسەپ ايىرىسۋ كەلىسىمشارتتارىن بۇزۋعا جول بەرگەن جاعدايلارعا, اتاپ ايتقاندا, 1 000 اەك سوماسىنان اساتىن قولما-قول اقشاسىز تارتىپپەن ەسەپ ايىرىسۋ ءۇشىن عانا اكىمشىلىك جاۋاپكەرشىلىكتى كوزدەيتىنىن ايتتى. دەمەك اكىمشىلىك قۇقىق بۇزۋشىلىق قۇرامىنىڭ شەگى زاڭنامادا كورسەتىلگەن تالاپتا عانا قولدانىلۋى ءتيىس.
اكىمشىلىك قۇقىق بۇزۋشىلىق تۋرالى كودەكستىڭ 2-بابىنا سايكەس, اكىمشىلىك جاۋاپتىلىقتىڭ نەگىزى – كودەكستىڭ ەرەكشە بولىگىندە كوزدەلگەن قۇقىق بۇزۋشىلىق قۇرامىنىڭ بارلىق بەلگىسىن قامتيتىن ءىس-ارەكەت جاساۋ بولىپ سانالادى. سوندىقتان سالىق ورگاندارى ەسەپتەگەن بۇزۋشىلىقتار اكىمشىلىك قۇقىق بۇزۋشىلىق قۇرامىن تۇزبەيدى.
وسى ەرەجەگە قاراماستان مەملەكەتتىك كىرىستەردىڭ اۋماقتىق ورگاندارى زاڭناما نورمالارىنىڭ تالاپتارىن اسىرىپ, مامىلەلەردى بولشەكتەۋ تۋرالى نەگىزسىز قورىتىندىلاردى قولدانا وتىرىپ, كەڭەيتىلگەن تۇردە تۇسىندىرەدى. بۇل مامىلەلەر بويىنشا ازاماتتىق زاڭنامادا دا شەكتەۋ جوق.
ناتيجەسىندە ازاماتتىق كودەكستىڭ 2-بابىندا, سونداي-اق كاسىپكەرلىك سۋبەكتىلەرىنىڭ ىستەرىنە مەملەكەتتىڭ زاڭسىز ارالاسۋىنا جول بەرمەۋ تۋرالى كاسىپكەرلىك كودەكستىڭ 18-بابىندا بەكىتىلگەن كەلىسىمشارتتار دەربەستىگى, جەكە ىستەرگە بىرەۋدىڭ ءوز بەتىنشە ارالاسۋىنا جول بەرمەۋ, ازاماتتىق قۇقىقتى كەدەرگىسىز جۇزەگە اسىرۋ قاجەتتىلىگى تۋرالى نەگىزگى قاعيدات بۇزىلىپ وتىر.
قازىر بۇل ماسەلە «اتامەكەن» ۇلتتىق كاسىپكەرلەر پالاتاسىنىڭ ءجىتى نازارىندا تۇر.