بىرقاتار وڭىردە اۋا رايىنا بايلانىستى ەسكەرتۋ جاريالاندى

«قازگيدرومەت» سينوپتيكتەرىنىڭ مالىمەتىنشە, تۇركىستان وبلىسىنىڭ وڭتۇستىگىندە, باتىسىندا, تاۋلى جانە تاۋ بوكتەرلى اۋداندارىندا تۇمان تۇسەدى. وڭتۇستىك-شىعىستان جەل سوعادى, تاۋ اسۋلارىندا ەكپىنى – 15-20 م/س. تۇركىستان قالاسىندا دا كەي ۋاقىتتا تۇمان باسادى.

شىمكەنتتە كەي ۋاقىتتا تۇمان بولادى.

باتىس قازاقستان وبلىسىنىڭ باتىسىندا, وڭتۇستىگىندە, ورتالىعىندا تۇندە جانە تاڭەرتەڭ تۇمان تۇسەدى.

ماڭعىستاۋ وبلىسىنىڭ سولتۇستىگىندە, وڭتۇستىگىندە, ورتالىعىندا دا تۇمان.

وسكەمەندە 26 جەلتوقسان كۇنى 21:00-دەن باستاپ 27 جەلتوقسان كۇنگى ساعات 21:00-گە دەيىن قولايسىز مەتەورولوگيالىق جاعدايلارعا بايلانىستى ەكىنشى دارەجەلى ەسكەرتۋ جاريالاندى. ءدال وسىنداي ەسكەرتۋ سەمەي جانە ريددەر بويىنشا دا جاريالانعان-دى.

ال جەتىسۋ وبلىسىنىڭ تاۋلى ايماقتارىندا تۇمان تۇسەدى. وڭتۇستىك-شىعىستان جەل سوعادى, الاكول كولدەرى اۋداندارىندا ەكپىنى 25 م/س-كە جەتەدى.