ۇلتتىق ۇلاننىڭ «شىعىس» وڭىرلىك قولباسشىلىعىنا قاراستى 3514 اسكەري ءبولىمى قاراعاندى جانە شىعىس قازاقستان وبلىستارىنان كەلگەن 50-گە جۋىق جاس ساربازدارمەن تولىقتى, دەپ حابارلايدى Egemen.kz.
كۋرچاتوۆ قالاسىنداعى 3514 اسكەري بولىمىندە قىسقا مەرزىمدى ساربازدار سوڭعى رەت 1997-1999 جىلدار ارالىعى قىزمەت ەتكەن. كەيىننەن جاۋىنگەرلىك قىزمەتتى تەك وفيتسەرلەر مەن كەلىسىمشارت بويىنشا قىزمەتشىلەر اتقارىپ كەلگەن.
23 جىلدى ارتقا تاستاپ اسكەري ءبولىم جەكە قۇرامى جاس شاقىرىلىمدى سالتاناتتى تۇردە قارسى الدى. بولاشاق ۇلاندىقتارعا ءبولىمنىڭ باسشىلىق قۇرامى تانىستىرىلىپ, ولار قىزمەت ەتەتىن اسكەري ءبولىمنىڭ تاريحى تۋرالى ايتىلدى.
- سىزدەرگە قادىر-قاسيەت پەن ار-نامىستىڭ, ءوز پارىزىڭىزعا ادالدىقتىڭ ۇلگىسى بولۋعا تىلەكتەسپىن. قوعامدىق ءتارتىپتى ساقتاۋ قۇرمەتتى جانە جاۋاپتى مىندەت ەكەنىن ارقاشان ەستە ساقتاڭىزدار, - دەدى 3514 اسكەري ءبولىمىنىڭ كومانديرى پودپولكوۆنيك ساكەن نۇرتاەۆ.
اسكەرگە شاقىرىلۋشىلار نەگىزگى وقۋ پاندەرى بويىنشا ءبىر ايلىق جالپى اسكەري دايىندىق كۋرسىنان وتەدى. ساباقتاردى جاس تولىقتىرۋ وقۋ پۋنكتتەرىندە تاعايىندالعان تاجىريبەلى وفيتسەرلەر مەن ستارشينالار جۇرگىزەدى. جيىن بارىسىندا ولار جالپى اسكەري جارعىلاردى, مەملەكەتتىك-قۇقىقتىق, تاكتيكالىق, دەنە شىنىقتىرۋ, رادياتسيالىق جانە حيميالىق قارۋدان قورعاۋ نەگىزدەرىن زەردەلەۋگە كىرىسەدى. ساپتىق دايىندىق ساباقتارى بارىسىندا ساپتىق تەحنيكالار پىسىقتالىپ, ساپتىق اندەر ۇيرەنەدى.
– ءبىز ادەتتەگى ازاماتتىق ءومىر سالتىمىزدى اسكەري ومىرگە اۋىستىردىق. بىزگە اسكەري كيىم كيۋ ءتارتىبى ايتىلدى. شىنىمدى ايتسام, ءوزىمدى اسكەري فورمادا كورۋ تانىس ەمەس ەدى, بىراق ءوزىمدى جاڭا مارتەبەدە سەزىنۋ قۋانىش سىيلايدى. مەنىڭ ويىمشا, جىل تەز وتەدى. ەڭ باستىسى, پايدالى بولادى, - دەدى اسكەر قاتارىنا شاقىرىلعان ە.زامانبەكوۆ.
ايتا كەتۋ كەرەك, جاس جاۋىنگەردى دايارلاۋدىڭ ءبىر ايلىق كۋرسىنان كەيىن اسكەرگە شاقىرىلۋشىلار اسكەري انت قابىلدايدى. جىل بويى كۋرچاتوۆ قالاسىندا اسكەري ءبولىمنىڭ اسكەري قالاشىعىن كۇزەتۋ مەن قورعاۋ بويىنشا ىشكى قىزمەتىن اتقارادى.