رەسپۋبليكانىڭ 9 وبلىسىندا اۋا رايىنا بايلانىستى ەسكەرتۋ جاريالاندى, دەپ حابارلايدى Egemen.kz «قازگيدرومەت» رمك-عا سىلتەمە جاساپ.
ەرتەڭ استانادا تومەن قارلى بوران كۇتىلەدى. تۇندە وڭتۇستىك-باتىستان سوعاتىن جەلدىڭ ەكپىنى 15-20 م/س.
كۇندىز اقمولا وبلىسىنىڭ سولتۇستىگىندە, شىعىسىندا بۇرقاسىن كۇتىلەدى. وبلىستىڭ سولتۇستىگىندە, باتىسىندا كوكتايعاق بولادى. تۇندە وڭتۇستىك-باتىستان سوعاتىن جەل ەكپىنى 15-20 م/س, وبلىستىڭ سولتۇستىگىندە, شىعىسىندا ەكپىنى 25 م/س, كۇندىز سولتۇستىكتە, وبلىستىڭ شىعىسىندا ەكپىنى 15-20 م/س جەل سوعادى.
اباي اۋدانىنىڭ باتىسىندا, سولتۇستىگىندە قارلى بوران بولادى. جەل وڭتۇستىكتەن, سولتۇستىكتەن وڭتۇستىك-باتىستان سوعادى.
جەتىسۋ وبلىسىنىڭ تاۋلى ايماقتارىندا تۇمان كۇتىلەدى. سولتۇستىك-شىعىستان سوعاتىن جەل تاۋلى ايماقتاردا 15-20 م/س جەتەدى.
قوستاناي وبلىسىنىڭ سولتۇستىگىندە تومەن قارلى بوران كۇتىلەدى. كۇندىز وبلىستىڭ سولتۇستىگىندە كوكتايعاق بولادى.
ماڭعىستاۋ وبلىسىندا وڭتۇستىك-شىعىستان جەل سوعادى, وبلىستىڭ باتىسىندا, وڭتۇستىگىندە جەل ەكپىنى 15-20 م/س جەتەدى.
پاۆلودار وبلىسىنىڭ باتىسىندا تومەن قارلى بوران. وبلىستىڭ باتىسىندا وڭتۇستىك-باتىستان سوعاتىن جەل ەكپىنى 15-20 م/س.
سولتۇستىك قازاقستان وبلىسىنىڭ باسىم بولىگىندە قار جاۋادى دەپ كۇتىلۋدە. تۇندە وبلىستىڭ باسىم بولىگىندە, كۇندىز وبلىستىڭ سولتۇستىگىندە, باتىسىندا, شىعىسىندا بۇرقاسىن كۇتىلەدى. كۇندىز وبلىستىڭ سولتۇستىگىندە, باتىسىندا كوكتايعاق.
وڭتۇستىكتە, تۇركىستان وبلىسىنىڭ تاۋ بوكتەرىندە تۇمان كۇتىلەدى. شىعىستان, وڭتۇستىك-شىعىستان تاۋلى اسۋلاردا جەل 15-20 م/س.