23 جەلتوقساندا يسلامابادتا قازاقستان مەن پاكىستاننىڭ اۆياتسيالىق بيلىگى اراسىندا كەلىسىمگە قول قويىلدى, دەپ حابارلايدى Egemen.kz.
2023 جىلدىڭ ناۋرىز ايىنان باستاپ الماتى-لاحور جانە الماتى-كاراچي باعىتتارى بويىنشا (ارقايسىسىنا اپتاسىنا ەكى رەيس) تىكەلەي جولاۋشىلار رەيسىن اشۋ جوسپارلانۋدا.
تىكەلەي رەيستى قازاقستاندىق SCAT اۋە كومپانياسى Boeing 737 ۇشاعىمەن ورىندايدى.
«قازاقستان مەن پاكىستان اراسىنداعى اۋە قاتىناسىنىڭ اشىلۋى ەلدەر اراسىنداعى ساۋدا-ەكونوميكالىق, ينۆەستيتسيالىق, تۋريستىك جانە مادەني ىنتىماقتاستىقتىڭ دامۋىن جەدەلدەتەدى», دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ مالىمدەمەسىندە.
ازاماتتىق اۆياتسيا كوميتەتى ۇشۋ گەوگرافياسىن كەڭەيتۋ جانە حالىقارالىق رەيستەر سانىن ارتتىرۋ بويىنشا جۇمىس جۇرگىزۋدە.
ايتا كەتەيىك, 15 جەلتوقساندا قازاقستاننان سەيشەل ارالدارىنا العاش رەت تىكەلەي اۋە رەيسى اشىلعان ەدى.