پرەمەر-مينيستر ءاليحان سمايىلوۆتىڭ توراعالىعىمەن وتكەن ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسيانىڭ وتىرىسىندا مونوقالالاردى دامىتۋ جونىندەگى جوسپارلار قارالدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
ۇلتتىق ەكونوميكا ءمينيسترى الىبەك قۋانتىروۆتىڭ ايتۋىنشا, قازىرگى ۋاقىتتا رەسپۋبليكادا 27 مونوقالا بار. 1,4 ملن ادام تۇراتىن قالالاردا 32 قالا قۇراۋشى كاسىپورىن جۇمىس ىستەيدى. 2015 جىلدان 2021 جىلعا دەيىن اتالعان ەلدى مەكەندەردە ونەركاسىپ ءوندىرىسىنىڭ كولەمى 6,3-تەن 11,2 ترلن تەڭگەگە دەيىن ءوستى, بۇل ەل بويىنشا جالپى كورسەتكىشتىڭ 29%-ى.
بۇگىنگى تاڭدا 2,1 ترلن تەڭگەگە 86 «زاكىرلى» جوبانىڭ پۋلى قالىپتاستىرىلدى. بۇل جوبالار مونوقالالاردا 18 مىڭنان استام جۇمىس ورنىن اشتى. جالپى ولاردى ودان ءارى دامىتۋ ءۇشىن تۇرعىن ءۇي قورى مەن ينجەنەرلىك ينفراقۇرىلىم وبەكتىلەرىنە كۇردەلى جوندەۋ جۇرگىزۋگە بيۋدجەتتەن بولىنەتىن قاراجاتتىڭ جىل سايىنعى ءليميتىن ۇلعايتۋ قاجەت. ەلدى مەكەندەردىڭ الەۋمەتتىك ماڭىزى بار پروبلەمالارىن شەشۋ بويىنشا ماستەر-جوسپارلار ازىرلەۋ قاراستىرىلعان.
سونىمەن قاتار جاڭا ينۆەستيتسيالىق جوبالاردى ىسكە اسىرۋ جونىندەگى جۇمىستى جانداندىرۋ جۇمىستارى ۇسىنىلادى.