باس پروكۋروردىڭ ءبىرىنشى ورىنباسارى تيمۋر تاشىمباەۆ ۆەدومستۆو قاڭتار وقيعاسىنا قاتىستى جۇرگىزىلگەن تەرگەۋ جۇمىستارى اياقتالىپ جاتقانىن مالىمدەدى, دەپ حابارلايدى Egemen.kz.
ونىڭ ايتۋىنشا, بۇگىندە 1249 ادام سوتتالعان. ولار نەگىزىنەن قارۋ ۇرلاپ, جاپپاي تارتىپسىزدىكتەرگە قاتىسقان.
«باس بوستاندىعىنان ايىرىلعان سوتتالۋشىلاردىڭ سانى 160-قا جەتتى. قالعاندارىنا جەڭىل جازا تاعايىندالدى», دەدى تيمۋر تاشىمبەۆ.
بۇدان باسقا, ۇقك-ءنىڭ بۇرىنعى باسشىسى كارىم ماسىموۆكە جانە ۇقك-ءنىڭ باسقا دا باسشىلارىنا قاتىستى ىستەر سوتقا جولداندى. ولار بيلىكتى باسىپ الۋعا, مەملەكەتكە وپاسىزدىق جاساۋعا تىرىستى دەپ ايىپتالدى.
«الماتى جانە قىزىلوردا وبلىستارىنىڭ ۇلتتىق قاۋىپسىزدىك جانە پوليتسيا ورگاندارى دەپارتامەنتتەرىنىڭ بۇرىنعى باسشىلىعىنا قاتىستى تەرگەۋ اياقتالدى. ازاپتاۋ بويىنشا الماتى مەن تالدىقورعاندا ۇقك مەن ءىىم-ءنىڭ 29 قىزمەتكەرىنە قاتىستى قىلمىستىق ىستەر اياقتالدى. ونىڭ 17-ءسى بويىنشا ىستەر سوتقا جىبەرىلدى», دەپ قوستى باس پروكۋروردىڭ ءبىرىنشى ورىنباسارى.