2023 جىلعى 1 قاڭتاردان باستاپ مەملەكەت باسشىسىنىڭ 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا شەڭبەرىندەگى تاپسىرماسىن ىسكە اسىرۋ ماقساتىندا جاستار ءۇشىن جەڭىلدەتىلگەن ميكروكرەديت بەرۋدىڭ جاڭا تەتىگى ەنگىزىلەدى, دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
ميكروكرەديتتەر 21 جاستان 35 جاسقا دەيىنگى, كاسىپكەرلىك قىزمەتتى باستاعىسى كەلەتىن نە كاسىپكەرلىكپەن اينالىساتىن, ونىڭ ىشىندە تاۋارلاردى ءوندىرۋ (وتكىزۋ), جۇمىستاردى ورىنداۋ جانە قىزمەتتەر كورسەتۋ, ساتۋ (ايىرباستاۋ) ءۇشىن جەكە قوسالقى شارۋاشىلىقتا ءونىم ءوندىرۋ جونىندەگى قىزمەتتى جۇزەگە اسىراتىن جاستار ءۇشىن كونكۋرستىق نەگىزدە بەرىلەتىن بولادى.
ميكروكرەديتتەر «اگرارلىق نەسيە كورپوراتسياسى» اق ارقىلى بەرىلەدى. نومينالدى سىياقى مولشەرلەمەسى جىلدىق 2,5% - دان اسپايدى. قارىزدىڭ ەڭ جوعارى سوماسى 5 ملن تەڭگەگە دەيىن جانە ول ءۇشىن كەپىلدىڭ بولۋى مىندەتتى.
ميكروكرەديت كەز كەلگەن ماقسات ءۇشىن 5 جىلعا دەيىن, ال مال شارۋاشىلىعىنا 7 جىلعا دەيىنگى مەرزىمگە بەرىلەدى.
سونداي-اق نەگىزگى بەرەشەك پەن سىياقىنى وتەۋ بويىنشا جەڭىلدىك كەزەڭى كوزدەلگەن, ول ميكروكرەديتتەۋ مەرزىمى ۇزاقتىعىنىڭ 1/3 (ۇشتەن بىرىنەن) اسپايدى.
جالپى العاندا, 2023 جىلعا ارنالعان رەسپۋبليكالىق بيۋدجەتتە جاستاردى ميكروكرەديتتەۋدىڭ وسى تەتىگىن ىسكە اسىرۋ ءۇشىن 28 ملرد تەڭگەدەن استام قاراجات كوزدەلگەن, بۇل 5,7 مىڭنان استام جاستاردى جەڭىلدەتىلگەن ميكروكرەديتپەن قامتاماسىز ەتۋگە مۇمكىندىك بەرەدى.