قىرعىزستان مينيسترلەر كابينەتىنىڭ توراعاسى – پرەزيدەنت اكىمشىلىگىنىڭ باسشىسى اقىلبەك جاپاروۆ پرەمەر-مينيستر ءاليحان سمايىلوۆ پەن قازاقستان حالقىن تاۋەلسىزدىك كۇنىمەن قۇتتىقتادى, دەپ حابارلايدى Egemen.kz.
تەلەفون ارقىلى سويلەسۋ بارىسىندا اقىلبەك جاپاروۆ ەكى ەل ۇكىمەتتەرىنىڭ ەكونوميكانى دامىتۋ جانە باۋىرلاس قازاقستان مەن قىرعىزستان حالىقتارىنىڭ ءال-اۋقاتىن ارتتىرۋ ءۇشىن ودان ءارى ءوزارا ءىس-قيمىلىنىڭ ماڭىزدى ەكەنىن اتاپ ءوتتى.
سونىمەن قاتار ءاليحان سمايىلوۆ بارلىق ءوزارا ءتيىمدى باعىتتار بويىنشا ىنتىماقتاستىقتى ارتتىرۋ قاجەتتىگىن ايتتى.