اقش-تىڭ تەحاس شتاتىنداعى مەكتەپ وكرۋگىنىڭ بيلىگى وقۋ ورىندارىنىڭ قىزمەتكەرلەرىنە جۇمىس كەزىندە اتىس قارۋىن الىپ جۇرۋگە رۇقسات بەردى, دەپ حابارلايدى Egemen.kz.
مۇنداي شەشىم مەكتەپتەردە وق اتۋ وقيعالارىنىڭ كوبەيۋى اياسىندا قابىلداندى.
اۋداندىق كەڭەس بۇل قادام مەكتەپكە قارۋلى شابۋىل جاسالعان جاعدايدا وقۋشىلاردى قورعاۋدى قامتاماسىز ەتۋدىڭ جولى دەپ ەسەپتەيدى. ەندى مۇعالىمدەر قارۋدى قولدانۋ بويىنشا ارنايى وقۋ باعدارلاماسىنان ءوز ەركىمەن وتە الادى.
اتا-انالاردىڭ جاڭا باستاماعا قاتىستى پىكىرلەرى ەكىگە بولىنگەن. ولاردىڭ كەيبىرەۋلەرى مۇنداي شەشىم بالالارىنىڭ دەنساۋلىعى مەن ومىرىنە قاۋىپ توندىرەدى دەپ ەسەپتەيدى.