رەسەيدىڭ كراسنويار ولكەسىنىڭ ۋجۋرسك اۋدانىنداعى اۋىلدىق مەكتەپتە حيميا ساباعىندا جاسالعان ەكسپەريمەنت كەزىندە كولبا جارىلدى, دەپ حابارلايدى Egemen.kz.
مالىمەتتەرگە سايكەس, مالىي ۋمىش اۋىلىنىڭ حيميگى ميحايل پوموگاەۆ شاكىرتتەرىنە حيميالىق ەلەمەنتتەردىڭ رەاكتسياسىن كورسەتپەك بولعان.
مۇعالىم پروبيركاعا ناتري مەن تۇز قىشقىلىن قۇيعاننان كەيىن سۋتەگى بولىنە باستاعان. سودان كەيىن ول كولباعا جانىپ تۇرعان شامدى جاقىنداتقان. بۇل كەزدە سۋتەگى ازداپ جانۋى كەرەك ەدى, بىراق ءبارى جوسپارعا ساي بولماي شىقتى. گازعا وت تيگەن ساتتە پروبيركا جارىلىپ كەتتى. سۋتەگىنىڭ كونتسەنتراتسياسى تىم جوعارى بولعاندىقتان شىنى سىنىقتارى وقۋشىلارعا دا تيگەن.
توعىز بالا گازدان ۋلاندى, تاعى ەكى مەكتەپ وقۋشىسى دارىگەرلەردىڭ كومەگىنە جۇگىندى. ابىروي بولعاندا, ەشكىم قاتتى زارداپ شەكپەگەن.
مۇعالىم بىردەن كىناسىن مويىنداپ, بارلىعىنان كەشىرىم سۇراعان. سونىمەن قاتار ۇستاز شاكىرتتەرىنە كومەك كورسەتۋدى بىردەن موينىنا الىپ, اۋرۋحاناعا جەتكىزگەن. الايدا اتا-انالاردىڭ ءبىرى قۇقىق قورعاۋ ورگاندارىنا ارىزدانعان.