ۇكىمەت وتىرىسىندا پرەزيدەنت قاسىم-جومارت توقاەۆتىڭ سايلاۋالدى باعدارلاماسىن جانە 2022 جىلعى 12 جەلتوقسانداعى ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىن ىسكە اسىرۋ جونىندەگى شارالار قارالدى. ەلىمىزدىڭ الەۋمەتتىك-ەكونوميكالىق دامۋىنىڭ نەگىزگى باعىتتارى بويىنشا ۇلتتىق ەكونوميكا ءبىرىنشى ۆيتسە-ءمينيسترى تيمۋر جاقسىلىقوۆ بايانداما جاسادى, دەپ حابارلايدى Egemen.kz.
ۇكىمەتتىڭ كەڭەيتىلگەن وتىرىسىندا مەملەكەت باسشىسى ناقتى مىندەتتەر قويدى. بۇل مىندەتتەردى ىسكە اسىرۋ بويىنشا 8 تاپسىرما ۇلتتىق ەكونوميكا مينيسترلىگىنىڭ قۇزىرەتىنە جاتادى.
تاريفتىك ساياساتتى رەفورمالاۋ ءۇشىن ء«تاريفتى ينۆەستيتسياعا ايىرباستاۋ» باستاماسى پىسىقتالىپ جاتىر. ول سالاعا جاڭا ينۆەستيتسيالاردى ىنتالاندىرۋ ارقىلى كوممۋنالدىق ينفراقۇرىلىمدى جاڭارتۋدى كوزدەيدى.
«جەلىلەردىڭ توزۋ كورسەتكىشىن 20%-عا دەيىن تومەندەتۋگە 2029 جىلعا قاراي قول جەتكىزۋ جوسپارلانۋدا. جاڭا تاريفتىك ساياساتتىڭ تاسىلدەرىنە كوشۋدى قامتاماسىز ەتۋ ءتيىستى جول كارتاسى شەڭبەرىندە ىسكە اسىرىلاتىن بولادى. قازىرگى ۋاقىتتا كوممۋنالدىق جەلىلەردى جاڭعىرتۋ ماقساتىندا ينۆەستيتسيالار كولەمىن ۇلعايتۋ ءۇشىن تابيعي مونوپوليالار تۋرالى زاڭناماعا وزگەرىستەر ازىرلەنىپ جاتىر», دەدى ۇلتتىق ەكونوميكا ءبىرىنشى ۆيتسە-ءمينيسترى.
بيىل ينفلياتسيانىڭ جوعارى دەڭگەيى حالىقتىڭ تابىسىنا تەرىس اسەرىن تيگىزۋدە. بۇعان قوسا, 2023 جىلعى 1 قاڭتاردان باستاپ ەڭ تومەنگى جالاقى مولشەرى 70 مىڭ تەڭگەگە دەيىن ارتاتىن بولادى. وسى جانە دە باسقا وزگەرىستەردى ەسكەرە وتىرىپ, الداعى ۋاقىتتا باعدارلامانى وزەكتەندىرۋ ءۇشىن جاڭا تاسىلدەر مەملەكەتتىك ورگاندارمەن پىسىقتالۋدا.
«ينۆەستيتسيالار تۋرالى كەلىسىم جاساسۋ پروتسەسىن جەڭىلدەتۋ ءۇشىن كاسىپكەرلىك كودەكسكە تۇزەتۋلەر ازىرلەندى. ءتيىستى زاڭ جوباسى پارلامەنت سەناتىنىڭ قاراۋىندا. اتاپ ايتقاندا, باسىم قىزمەت تۇرلەرىنىڭ تىزبەسىنەن تىيىم سالىنعان تىزىمگە كوشۋ ارقىلى ينۆەستيتسيالار تۋرالى كەلىسىمدەردىڭ قولدانۋ اياسى كەڭەيتىلەدى. ينۆەستورلاردىڭ شىعىندارىن ازايتۋ جانە ينۆەستيتسيالىق شەشىمدەر قابىلداۋدى جەدەلدەتۋ ءۇشىن «ready-built factory» ءتيپى بويىنشا دايىن وندىرىستىك الاڭداردى ۇسىنۋ بويىنشا جۇمىس جۇرگىزىلىپ جاتىر», دەدى ت. جاقسىلىقوۆ.
سونىمەن قاتار «ۇلتتىق قور – بالالارعا» باستاماسىن 2024 جىلدان باستاپ ىسكە قوسۋ تاسىلدەرى ازىرلەنۋدە. 18 جاسقا دەيىنگى بارلىق بالالارعا جەكە جيناقتاۋشى شوتتار اشىلادى, ولارعا جىل سايىن قاراجات تۇسەتىن بولادى. شوت وپەراتورى رەتىندە «بىرىڭعاي جيناقتاۋشى زەينەتاقى قورى» انىقتالدى. جيناقتالعان قاراجات كامەلەتكە تولعان كەزدە عانا پايدالانۋعا قولجەتىمدى بولادى. كەلەسى جىلى جوبانى ىسكە قوسۋ ءۇشىن قاجەتتى زاڭنامالىق وزگەرىستەر قابىلداۋ جوسپارلانۋدا.
اۋىلدىق اۋماقتاردى دامىتۋدىڭ 2023-2027 جىلدارعا ارنالعان تۇجىرىمداماسىن ازىرلەۋ بويىنشا جۇمىس جۇرگىزىلۋدە. ونى 2023 جىلعى ناۋرىزدىڭ سوڭىنا دەيىن قابىلداۋ جوسپارلانىپ وتىر.
ۇلتتىق ەكونوميكا ءبىرىنشى ۆيتسە-ءمينيسترىنىڭ ايتۋىنشا, تۇجىرىمدامانىڭ نەگىزگى ماقساتى – اۋىل حالقىنىڭ ءومىر ءسۇرۋ ساپاسىن ارتتىرۋ جانە ولار ءۇشىن جايلى ءومىر ءسۇرۋ ورتاسىن قۇرۋ. بۇل ءۇشىن ينستيتۋتسيونالدىق قامتاماسىز ەتۋدى دامىتۋ ارقىلى اۋىلدىق ساياسات تاسىلدەرىنىڭ تيىمدىلىگىن ارتتىرىلادى. قازىرگى ۋاقىتتا تۇجىرىمدامانىڭ جۇمىس جوباسى جەرگىلىكتى اتقارۋشى ورگاندارمەن تالقىلانىپ جاتىر.
ەكونوميكانىڭ نەعۇرلىم باسىم سالالارىندا «قاراپايىم زاتتار ەكونوميكاسى» باعدارلاماسى شەڭبەرىندە نەسيەلەۋ مەرزىمىن ۇزارتۋ تۋرالى ماسەلە پىسىقتالۋدا. اگرارلىق-ونەركاسىپ كەشەنى جانە وڭدەۋ ونەركاسىبى سالالارىنداعى 15 باسىم قىزمەت تۇرلەرى بويىنشا 7 جىلعا دەيىن كرەديت بەرۋ ۇسىنىلدى.
«مەملەكەتتىك قولداۋ شارالارىن ۇسىنۋ شارتتارىنا وزگەرىستەر ەنگىزۋ شەڭبەرىندە مەملەكەتتىك سىياقى مولشەرلەمەسىنىڭ سۋبسيديالاناتىن بولىگىن بەكىتۋگە كوشۋ كوزدەلگەن. بۇل رەتتە تۇپكىلىكتى قارىز الۋشى ءۇشىن سىياقى مولشەرلەمەسىن ديففەرەنتسياتسيالاۋ كوزدەلگەن», دەدى ت. جاقسىلىقوۆ.
مەملەكەت باسشىسىنىڭ اكىمدىكتەردىڭ فۋنكتسيونالدىعىن قامتاماسىز ەتۋ جانە حالىق ءۇشىن نەعۇرلىم ماڭىزدى ماسەلەلەر بويىنشا ۇيلەستىرۋدى كۇشەيتۋ بويىنشا تاپسىرماسىن ىسكە اسىرۋ ماقساتىندا وڭىرلەر اكىمدەرى ورىنباسارلارىنىڭ سانىن قولدانىستاعى سانىنا 1 بىرلىككە ۇلعايتۋ ۇسىنىلادى. بۇل رەتتە باستاما جەرگىلىكتى اتقارۋشى ورگانداردىڭ قىزمەتىن قارجىلاندىرۋ ءۇشىن ورناتىلعان ليميتتەر شەڭبەرىندە جۇزەگە اسىرىلادى.
ورتالىق جانە جەرگىلىكتى ورگانداردىڭ دەربەستىگىن ارتتىرۋعا باسا نازار اۋدارا وتىرىپ, بيۋدجەتتەۋ تاسىلدەرى قايتا قارالۋدا. جەرگىلىكتى دەڭگەيگە ورتالىقتان شىعىس وكىلەتتىكتەرىن ءبىر مەزگىلدە بەرە وتىرىپ, قوسىمشا كىرىس كوزدەرى بەرىلەدى. بۇل وڭىرلەردىڭ ءوزىن-ءوزى قامتاماسىز ەتۋى مەن دەربەستىگىن قامتاماسىز ەتۋگە مۇمكىندىك بەرەدى.
«وسى باعىتتاعى رەفورمالار جالعاسۋدا. جاڭا بيۋدجەت كودەكسى ازىرلەنۋدە. بۇل جۇمىس شەڭبەرىندە بلوكتىق بيۋدجەتتىڭ جەكەلەگەن ەلەمەنتتەرى ەنگىزۋ پىسىقتالىپ جاتىر. قۇجات بيۋدجەت پروتسەسىن تۇبەگەيلى جەڭىلدەتۋگە جانە مەملەكەتتىك باسقارۋ جۇيەسىن ودان ءارى ورتالىقسىزداندىرۋعا باعدارلاناتىن بولادى. قۇجاتتى كەلەسى جىلدىڭ قىركۇيەگىندە پارلامەنتتىڭ قاراۋىنا ەنگىزۋ جوسپارلانۋدا», دەدى ۇلتتىق ەكونوميكا ءبىرىنشى ۆيتسە-ءمينيسترى.