«قايسار» فۋتبول كلۋبىنىڭ باپكەرى تاعايىندالدى

ۆيكتور كۋمىكوۆ قاسقىرلاردىڭ جانكۇيەرلەرىنە ەتەنە تانىس. ول بۇعان دەيىن دە قىزىلوردالىق كلۋبتا جۇمىس ىستەگەن. اتاپ ايتساق, 2004 جىلى رەسەيلىك مامان «قايساردىڭ» تىزىگىنىن ۇستاپ, سىر جانكۇيەرلەرىن جەڭىسپەن قۋانتقان ەدى. سونداي-اق ۆيكتور باپكەر «ەلىماي», «ەسىل», «شاحتەر», «ورداباسى», «اتىراۋ», وزبەكستاندىق «ماششال», «ناساف», «اگمك», «انديجان» كلۋبتارىن جاتتىقتىرعان. قازاقستان فۋتبولى تاريحىندا تۇڭعىش رەت «شاحتەردى» ەۋروپا ليگاسىنىڭ توپتىق كەزەڭىنە جەتكىزدى. ءۇش مارتە قازاقستاننىڭ ۇزدىك باپكەرى اتانسا, «شاحتەر» فۋتبول كلۋبىمەن ەكى دۇركىن پرەمەر-ليگا جەڭىمپازى, ءبىر مارتە قازاقستان كۋبوگى مەن سۋپەركۋبوگىنىڭ يەگەرى بولدى. 2008 جىلدان بەرى PRO كاتەگوريالى جاتتىقتىرۋشى.– قىزىلوردا مەنىڭ ىستىق ۇيام دەسەم بولادى. 20 جىلدان كەيىن قايتا ورالۋعا مۇمكىندىك الدىم. ايماق باسشىسى, سىر جانكۇيەرلەرى سەنىم ارتىپ, جاۋاپتى قىزمەتتىڭ تىزگىنىن ۇستاتتى. «قايساردىڭ» العا قويعان ماقساتىن جۇزەگە اسىرۋدا ايانىپ قالمايمىن. الدا ءۇش وقۋ-جاتتىعۋ جيىنىن وتكىزىپ, چەمپيوناتقا تىڭعىلىقتى دايىندىق جۇرگىزەمىز, – دەدى ۆيكتور كۋمىكوۆ.