قار باسۋ قاۋپى بار

جەتىسۋداعى جولداردىڭ جالپى ۇزىندىعى 4 مىڭ شاقىرىمدى قۇرايدى, ونىڭ 1 034 شاقىرىمى – رەسپۋبليكالىق, 3 مىڭ شاقىرىمى وبلىستىق ماڭىزى بار جولدار. ونى «قازاۆتوجول» جشس قاداعالايدى. بۇگىندە مەردىگەر كومپانيالار جولداردىڭ قىس مەز­گى­لىندەگى دايىندىق جۇ­مىس­تارىنا 75 بىرلىك تەحنيكا دايىنداعان. جىل سايىن قىسقى ۋاقىتتا اۋا رايى قولايسىزدىعىندا قار قۇر­ساۋىندا 100-دەن اسا جۇك جانە جەڭىل كولىك قالىپ قويادى ەكەن. بۇل ادامداردىڭ ومىرىنە قاۋىپ-قاتەر تون­دى­رەتىن نەگىزگى فاك­تور­لار­دىڭ ءبىرى بولىپ تۇر. ما­مان­دار جۇرگىزۋشىلەرگە تاۋە­كەل­گە بارۋ­دىڭ قاجەت ەمەس ەكەنىن ەسكەرتۋدە.

«قىستا كولىك جۇرگىزۋشىلەرى كولى­گىنە وتىرعان بارلىق ادامنىڭ ومىرىنە جاۋاپتى ەكەنىن سەزىنۋگە ءتيىس. توتەن­شە جاعدايلار دەپار­تا­مەنتى مەن «قاز­اۆتو­جول» قىز­مەت­­كەرلەرى تاراپىنان قىس­قى مەز­گىلگە جول دايىندىعى جۇ­مىس­­تارى ارنايى بۇيرىققا ساي­كەس جۇرگىزىلۋدە. تايعاققا قار­سى قاجەتتى جابدىقتار الىنىپ, قار تازارتاتىن تەحنيكالار ازىر­لەن­گەن», دەيدى «قازاۆتوجول» ۇلت­­­تىق كومپانياسى» اكتسيونەرلىك قو­­­عا­­مىنىڭ الماتى وبلىستىق فيليالى ديرەكتورىنىڭ ورىنباسارى شىڭعىسحان مۇراتبەك ۇلى.

وسى رەتتە 2022-2023 جىلعى قىس مەزگىلىنە دايىندىق جۇمىس­تا­رى جا­يىندا وبلىستىق توتەن­شە جاعدايلار دەپارتامەنتى تو­تەن­شە جاعدايلاردى جويۋ باس­قار­ماسىنىڭ باستىعى رينات قارانداشەۆ پەن وبلىستىق جولاۋشى كولىگى جانە اۆتوموبيل جولدارى باسقارماسى اۆتوجولدار ءبولىمىنىڭ باسشىسى ايدوس دوسجانوۆتان ماع­لۇمات ال­عان ەدىك. ولاردىڭ ايتۋىنشا, وبلىستىق اكىمشىلىك پەن مەر­دىگەر كومپانيالار اراسىندا وبلىس­تىق ماڭىزى بار جولداردىڭ تازارتۋ جۇمىستارى بويىنشا 9 كەلىسىم­شارت جاسالعان.

«قىس مەزگىلى باستالعان ساتتەن ال­عاش­قى كومەك كورسەتەتىن 5 قۇتقارۋ شاراسىنا قاتىستىق, 4 ادام قۇتقارىلىپ, 19 ادام تو­تەن­شە جاعداي اۋماعىنان ەۆا­كۋا­تسيالاندى, 12 بىرلىك تەحنيكا شىعارىلدى. رەسپۋبليكالىق جانە وبلىستىق جولداردا 14 رەت كو­لىك ءجۇرىسىن شەكتەۋ شاراسى قول­دانىلدى. تۇرعىندارعا الدىن الا 48 SMS-حابارلاما جولداندى», دەيدى ر.قارانداشەۆ.

وبلىس اۋماعىندا 2 جول-مە­دي­تسينالىق قۇتقارۋ پۋنكتى جۇمىس ىس­تەيدى. بۇل پۋنكتتەر سونىمەن بىرگە جى­لىنۋ ورىندارى ەسەبىندە قول­دا­نىلادى. بۇدان بولەك 30 جىلىنۋ ورنى, جول-پايدالانۋ باسقارماسى بازالارىندا 3 پۋنكت, ەلدى مەكەندەردىڭ ورتا مەكتەبى بازالارىندا 18 پۋنكت, 2 تاماقتانۋ پۋنكتى جانە 1 اۆتوبەكەت بار. توتەنشە جاعدايلار دەپارتامەنتى تاراپىنان كاماز بەن ۋرال بازالارىندا 6 جىلجىمالى جىلىتۋ پۋنكتى ورنالاسقان. قىسقى مەزگىلدە الدىن الا حابارلاۋ شا­رالارىن جۇزەگە اسىرۋ بارىسىندا 2 500-دەن اسا ناسيحات قۇرالى تارا­تىل­عان ەكەن.

وبلىس اۋماعىنداعى جولداردا ورىن الۋى مۇمكىن توتەنشە جاعدايلاردىڭ الدىن الۋ ماقسا­تىن­دا 237 ادام مەن 79 بىرلىك وتىم­دىلىگى جوعارى تەحنيكا جۇمىل­­دى­رىل­عان.

«قىسقى مەزگىلدە الىس جولعا شىق­پاس بۇرىن اۋا رايى تۋرالى ماعلۇمات الىپ, ونىڭ وزگەرۋى جايىندا الدىن الا جولداناتىن SMS حابارلامالارعا نازار اۋدارۋ قاجەت», دەيدى ا.دوسجانوۆ.

ءاربىر كولىكتە مىندەتتى تۇردە وقىس وقيعا ورىن السا, ەڭ قاجەتتى زاتتار بولۋى كەرەك. ولار: دانە­كەر­لەۋ شامدارى, كابەلدەر, دوڭ­عالاق تىزبەكتەرى, كۇرەكتەر, ءپارا­فين­دى شامدار, سونىمەن بىرگە جىلى كيىم, قاجەتتى زاتتار, ازىق-ت ۇلىك پەن سۋ قورى. قاتتى اياز نەمەسە قار جاۋعان كەزدە بىرنەشە كولىكپەن بىرىگىپ توپتاسۋ كەرەك, توتەنشە جاعداي ورىن السا باسقا جۇرگىزۋشىلەر كومەككە كەلە الادى. ماماندار قارلى بورانعا ءتۇسىپ كولىگىڭىز توقتاپ قالسا, «112» ءنومىرى بو­يىن­شا كومەك شاقىرۋ قاجەت ەكەنىن ەسكەرتۋدە.

جەتىسۋ وبلىسى