الداعى كۇندەرى اۋا رايى قانداي بولادى

الداعى ءۇش تاۋلىكتە قازاقستان اۋماعى ءالى دە انتيتسيكلوننىڭ ىقپالىندا بولادى, ونىمەن نەگىزىنەن جاۋىن-شاشىنسىز اۋا-رايى كۇتىلەدى. تەك رەسپۋبليكانىڭ باتىسىندا, شىعىسىندا, سولتۇستىك-شىعىسىندا اتموسفەرالىق فرونتالدى بولىكتەردىڭ وتۋىمەن, قار, جاياۋ بۇرقاسىن كۇتىلەدى. ەلىمىزدىڭ وڭتۇستىگى مەن باتىسىندا جەلدىڭ جىلدامدىعى 15-20 م/س كۇشەيۋى بولجانادى.

اۋا تەمپەراتۋراسى ەلىمىزدىڭ سولتۇستىگىندە تۇندە 23-31 ايازعا دەيىن, كۇندىز 15-28 ايازعا دەيىن, ورتالىقتا تۇندە 18-33-كە دەيىن, كۇندىز 13-23 ايازعا دەيىن, شىعىستا تۇندە 25-34 ايازعا دەيىن, كۇندىز 20-30 ايازعا دەيىن, ال ەلىمىزدىڭ باتىسىندا تۇندە 0-8 ايازعا دەيىن, كۇندىز 5 اياز - 5 جىلىعا دەيىن تومەندەيدى. قازاقستاننىڭ وڭتۇستىگى مەن وڭتۇستىك-شىعىسىندا كۇرت وزگەرىستەر كۇتىلمەيدى. تۇنگى اۋا تەمپەراتۋراسى 2-15 ايازدى قۇرايدى.