التىن مەدالدىڭ ناعىز يەسى

قازاقستان گرەك-ريم, ەركىن جانە ايەلدەر كۇ­رەسى فە­دە­راتسياسىنىڭ مالى­مەتىنشە, 30 قاراشادا لاۋراعا United World Wrestling ۇيىمىنان حات كەلىپتى. وندا «بىشكەك ارە­نا» كىلەمىندە وتكەن في­نال­دىق بەلدەسۋدە قازاق پالۋانىن ۇتىپ, ازيانىڭ التىن مەدالىن يەلەنگەن ۇندىستاندىق سپورتشىنىڭ دوپينگكە قار­سى تالاپتاردى بۇزعانى انىق­تالدى دەپ جازىلعان.

21 مەملەكەتتىڭ سپورتشىلارى باق سىناسقان ءدۇبىرلى دودادا لاۋرا الماعانبەتوۆا كۇ­مىس مەدال العان ەدى. قو­لا قىر­­عىز سپورتشىسىنا بۇيىر­عان.

قوستانايلىق پالۋان قازىر قاراعاندىدا نۇركەن ءاب­دى­روۆ­تى ەسكە الۋعا ارنالعان رەس­­­پۋب­­ليكالىق تۋرنيردە ءجۇر ەكەن.

– ويدا جوقتا التىن مەدال العانىمدى ەستىپ, ءوزىم دە تاڭعالىپ جاتىرمىن. بىر­اق بىشكەكتە ءۇندى پالۋانىن ۇتۋىم كەرەك ەدى, قۋانىشتىڭ كوكەسى سول بولار ەدى. ارينە, سپورتتىڭ اتى – سپورت, بىردە ۇتاسىڭ, بىردە ۇتىلاسىڭ. ال­تىن العانىمدى ەستىپ تۋىس­­تارىم دا قۋانىپ جاتىر. ەندىگى باستى ماقساتىم – كە­لەسى جىلى باستالاتىن وليم­پيادالىق ىرىكتەۋ جارىستارىنا دايىندالۋ, – دەيدى پالۋان قىز.

لاۋرا 2004 جىلدان بەرى سارىكول اۋداندىق بالالار جانە جاسوسپىرىمدەر سپورت مەك­تەبىندە جاتتىعادى. سپورت شەبەرى, قازاقستان رەسپۋب­لي­كا­­سىنىڭ التى دۇركىن چەمپيو­نى, ازيا چەمپيوناتىنىڭ ەكى دۇركىن كۇمىس, الەم چەم­پيو­نا­تىنىڭ قولا جۇلدەگەرى.

قازاق پالۋانى ەندى 57 كيلو سالماق دارەجەسى بويىنشا ازيا­نىڭ التىن مەدالىن الاتىن بولدى.

قوستاناي وبلىسى