جامبىل وبلىسىندا ەسىرتكى ساتۋمەن اينالىسقان قىلمىستىق توپ ۇستالدى, دەپ حابارلايدى Egemen.kz Polisia.kz سايتىنا سىلتەمە جاساپ.
«جامبىل وبلىسىندا اسا ءىرى كولەمدە گەروين ساتۋمەن اينالىسقان ەتنوسارالىق ۇيىمداسقان قىلمىستىق توپقا قارسى اۋقىمدى ارنايى وپەراتسيا جۇرگىزىلدى. 30 قاراشادا قىلمىستىق توپتىڭ التى مۇشەسى ۇستالدى», دەپ حابارلادى پوليتسيا دەپارتامەنتى.
ءتىنتۋ كەزىندە ۇستالعانداردان ءبىر كەلى گەروين, سونداي-اق گاشيش, كەپتىرىلگەن ماريحۋانا جانە سينتەتيكالىق ەسىرتكى تاركىلەندى.
«اتالعان فاكتى بويىنشا قىلمىستىق كودەكستىڭ 297-بابىنىڭ 3-بولىگى بويىنشا سوتقا دەيىنگى تەرگەۋ باستالدى. ۇستالعانداردىڭ بارلىعى ۋاقىتشا ۇستاۋ يزولياتورىنا قامالدى», دەپ تولىقتىردى پوليتسەيلەر.
قاجەتتى ساراپتامالار تاعايىندالدى, تەرگەۋ امالدارى جۇرگىزىلۋدە.