بجزق زەينەتكەرلىك جاسقا تولعان جانە بجزق-دا زەينەتاقى جيناقتارى بار, بىراق زەينەتاقى تولەمدەرىن الۋ ءۇشىن قورعا جۇگىنبەگەن قازاقستاندىقتارعا حابارلاما جىبەردى, دەپ حابارلايدى Egemen.kz.
بجزق جىل سايىن «ازاماتتارعا ارنالعان ۇكىمەت» مەملەكەتتىك كورپوراتسياسىمەن بىرلەسىپ, زەينەتكەرلىك جاسقا تولعان جانە قوردا زەينەتاقى جيناقتارى بار, بيۋدجەت قاراجاتى ەسەبىنەن جاسىنا بايلانىستى زەينەتاقى تولەمدەرىن الاتىن, بىراق زەينەتاقى جيناعى ەسەبىنەن بەرىلەتىن تولەم ءۇشىن بجزق-عا جۇگىنبەگەن ادامداردى انىقتاۋ تۇرعىسىنان سالىستىرىپ تەكسەرۋ جۇمىستارىن جۇرگىزەدى.
مەملەكەتتىك كورپوراتسيا اتالعان ساناتتاعى تۇلعالارعا SMS-حابارلامالار جىبەرەدى. وندا زەينەتاقى جيناقتارى ەسەبىنەن تولەمدەر الۋعا بەلسەندى فورماتتا كەلىسىم بەرۋ ۇسىنىلادى.
وسى ۋاقىتقا دەيىن جۇرگىزىلگەن جۇمىس ناتيجەسىندە, 8 مىڭعا جۋىق ادام بجزق-دان تولەمدەردى بەلسەندى فورماتتا الا باستادى.
«بجزق قر «قازاقستان رەسپۋبليكاسىنداعى زەينەتاقىمەن قامسىزداندىرۋ تۋرالى» زاڭىنا سايكەس زەينەتكەرلىك جاسقا تولعان جانە بجزق-دا زەينەتاقى جيناقتارى بار ادامدار قوردان زەينەتاقى تولەمدەرىن الۋعا قۇقىلى ەكەنىن ەسكە سالادى. وسىعان وراي, قور ازاماتتارعا زەينەت جاسىنا تولۋىنا بايلانىستى بجزق-دان زەينەتاقى تولەمدەرىن تاعايىنداۋ ءۇشىن تۇرعىلىقتى جەرى بويىنشا مەملەكەتتىك كورپوراتسيانىڭ بولىمشەلەرىنە ۋاقىتىلى جۇگىنۋگە كەڭەس بەرەدى. بجزق-دان زەينەتاقى تولەمدەرى ءوتىنىش بەرىلگەن كۇننەن باستاپ تاعايىندالادى جانە زەينەتاقى جيناقتارى تاۋسىلعانعا دەيىن جۇزەگە اسىرىلادى. تولىق اقپاراتتى 1418 تەگىن ءنومىرى نەمەسە بجزق كەڭسەلەرىنەن الۋعا بولادى», دەلىنگەن بجزق حابارلاماسىندا.