ەلىمىزدە مەكتەپ مۇعالىمدەرى مەن وقۋشىلارعا ارنالعان «قىزىقتى عىلىم» جوباسى الماتى قالاسىندا جالعاسۋدا. اتالعان جوبانىڭ وڭتۇستىك استاناداعى ورتا مەكتەپتەردىڭ 7-8 سىنىپ وقۋشىلارىنا ارنالعان بولىگى 28-29 قاراشاعا جوسپارلانعان, دەپ جازادى Egemen.kz.
ارناۋلى سەمينار بارىسىندا 134 جىلدىق تاريحى بار, گەوگرافيا, جاراتىلىستانۋ عىلىمدارىنان باستاپ, عارىشتى يگەرۋگە دەيىنگى سالالاردا كوپجىلدىق حالىقارالىق عىلىمي-زەرتتەۋلەر مەن فوتو-بەينە دەرەكتەردىڭ باي قورىن قالىپتاستىرعان National Geographic جۋرنالىنىڭ رەسۋرستارىن ءتيىمدى قولدانۋ ادىستەرى تانىستىرىلادى.
ەسكە سالا كەتەيىك, بۇل جوبا – مەملەكەت باسشىسى قاسىم-جومارت توقاەۆتىڭ تاپسىرماسىمەن جۇزەگە اسىرىلىپ جاتقان «وقۋعا قۇشتار مەكتەپ» باستاماسىن قولداۋ اياسىندا «شەۆرون» مەن «KAZMEDIA HOLDING» كومپانيالارى بىرلەسە اتقارىپ جاتقان جۇمىستىڭ ءبىر پاراسى.