فۋتبولدان الەم چەمپيوناتىنىڭ ەكىنشى تۋرىنداعى ماتچتا اۋستراليا قۇراماسى ءتۋنيستى جەڭدى, دەپ حابارلايدى Egemen.kz.
بۇل ويىن الدىندا D توبىندا اۋستراليا قۇراماسى سوڭعى ورىندا تۇرعان. سەبەبى اۋستراليالىقتار ءبىرىنشى تۋردا فرانتسيادان 1:4 ەسەبىمەن جەڭىلىپ قالعان ەدى. ال تۋنيس ءبىرىنشى تۋردا دانيامەن تەڭ تۇسكەن بولاتىن.
تۋنيس پەن اۋستراليا ماتچىندا جانكۇيەرلەر ءبىر عانا گول كوردى. 23-مينۋتتا ميتچەلل ديۋك باسپەن الىس بۇرىشتى ءدال كوزدەپ, اۋستراليالىقتاردى العا شىعاردى - 1:0.
وسى ويىننان كەيىن اۋستراليا قۇراماسى D توبىندا ەكىنشى ورىنعا كوتەرىلدى. كوش باسىنداعى فرانتسيا ەكەۋىندە ءۇش ۇپايدان بار. ال دانيا مەن ءتۋنيستىڭ ەنشىسىندە ءبىر ۇپايدان.