ەلىمىزدىڭ باسىم بولىگىندە داۋىلدى ەسكەرتۋ جاريالاندى

اتاپ ايتقاندا, جەتىسۋ وبلىسىندا قار ارالاس جاڭبىر كۇتىلەدى, سونداي-اق وبلىستىڭ تاۋلى ايماقتارىندا قار جاۋىپ, تۇمان, كوكتايعاق بولادى.

الماتى وبلىسىنىڭ تاۋلى ايماقتارىندا كەي جەرلەردە قالىڭ قار جاۋادى. سولتۇستىكتە, وڭتۇستىكتە جانە تاۋلى ايماقتاردا تۇمان, كوكتايعاق كۇتىلەدى. الماتىدا تۇندە جانە تاڭەرتەڭ تۇمان تۇسەدى.

قىزىلوردا وبلىسىنىڭ ورتالىعى تۇماندى بولادى. سولتۇستىك-شىعىستان, ورتالىقتا, شىعىستا, وبلىستىڭ باتىسىندا 15-20 م/س جەل سوعادى. قىزىلوردادا سولتۇستىك-شىعىستان جەل سوعادى, كۇندىز ەكپىنى 15-20 م/س بولادى.

26 قاراشادا تۇركىستان وبلىسىنىڭ وڭتۇستىگىندە, سونىمەن قاتار شىمكەنت, تۇركىستان قالالارىندا تۇندە جانە تاڭەرتەڭ كەي جەرلەردە تۇمان كۇتىلەدى.

اتىراۋ وبلىسىنىڭ باتىسىندا, وڭتۇستىگىندە 15-20 م/س جەل سوعادى.

وڭتۇستىكتە, اقتوبە وبلىسىنىڭ ورتالىعىندا سولتۇستىك-شىعىستان ەكپىنى 15-20 م/س جەل سوعادى.

ۇلىتاۋ وبلىسىنىڭ سولتۇستىك-باتىسىندا تۇمان كۇتىلەدى. سولتۇستىك-شىعىستان  ەكپىنى 15-20 م/س جەل سوعادى.

تۇندە قاراعاندى ​​وبلىسىنىڭ سولتۇستىگى مەن شىعىسىندا بۇرقاسىن, كوكتايعاق كۇتىلەدى. 

اباي وبلىسىنىڭ باسىم بولىگىندە قالىڭ قار جاۋادى. سەمەيدە اۋا تەمپەراتۋراسى -21...-23°س-قا دەيىن كۇرت تومەندەۋى مۇمكىن.

شىعىس قازاقستان وبلىسىنىڭ باسىم بولىگىندە قار كۇتىلەدى, تۇندە وبلىستىڭ سولتۇستىگىندە, شىعىسىندا قالىڭ قار جاۋىپ, بوران سوعادى. وسكەمەندە اۋا تەمپەراتۋراسىنىڭ ودان ءارى تومەندەۋى كۇتىلۋدە.

ماڭعىستاۋ وبلىسىندا وڭتۇستىك-شىعىستان جەل سوعادى, باتىستا, سولتۇستىكتە, وبلىس ورتالىعىندا جەل ەكپىنى 15-20 م/س دەيىن كۇشەيەدى. اقتاۋدا وڭتۇستىك-شىعىستان جەل سوعادى, ەكپىنى 15-20 م/س.

پاۆلودار وبلىسىنىڭ وڭتۇستىگىندە تۇندە بۇرقاسىن كۇتىلەدى. سولتۇستىكتەن جەل سوعادى, ەكپىنى 15-20 م/س.

26-27 قاراشادا جامبىل وبلىسىنىڭ سولتۇستىك-شىعىسىندا, تاۋلى جانە تاۋ بوكتەرىندەگى اۋدانداردا تۇمان كۇتىلەدى. تارازدا تۇندە جانە تاڭەرتەڭ تۇمان تۇسەدى.

باتىس قازاقستان وبلىسىنىڭ سولتۇستىگى مەن شىعىسىندا جانە ورال قالاسىندا تۇندە جانە تاڭەرتەڭ تۇمان كۇتىلەدى.

قوستاناي وبلىسىنىڭ سولتۇستىگىندە, وڭتۇستىگىندە جانە قوستاناي قالاسىندا تۇمان كۇتىلەدى.